வடமாகாண சபை தேர்தல் - கொழும்பில் நேர்முக பரீட்சை ஆரம்பம்

வடக்கு மாகாண சபைக்கான தேர்தல் இன்னமும் உத்தியோகபூர்வமாக அறிவிக்கப்படாத நிலையிலும் அதற்கான வேட்பாளர்களைத் தெரிவு செய்வதில் சிறிலங்கா சுதந்திரக் கட்சி முழு மூச்சில் இறங்கியுள்ளது. 

கொழும்பில் உள்ள கட்சித் தலைமையகத்தில் நேற்று நடத்தப்பட்ட வேட்பாளர் நேர்முகத் தேர்வில் வடக்கு மாவட்டங்களில் இருந்து 53 பேர் பங்குபற்றினர் என்று  மூத்த அமைச்சர் பௌசி தெரிவித்தார். யாழ்ப்பாணத்தில் இருந்து மட்டும் 20 பேர் வந்திருந்தனர். முல்லைத்தீவைச் சேர்ந்தவர்களுக்கு பிறிதொரு தினத்தில் நேர்முகத் தேர்வு வைக்கப்படும் என்று கட்சி வட்டாரங்கள் தெரிவித்தன. 

விடுதலைப் புலிகள் இயக்கத்தின் முன்னாள் செய்தித் தொடர்பாளர் தயா மாஸ்டர் எனப்படும் வேலாயுதம் தங்கவேல், சிறிலங்கா சுதந்திரக் கட்சி யாழ். மாவட்ட அமைப்பாளர் அங்கஜனின் தந்தையார் இராமநாதன், சாவகச்சேரி நகர சபையின் ஐக்கிய தேசியக் கட்சி உறுப்பினர் முத்துக்கிருஷ்ணன் சர்வானந்தன், யாழ். மாவட்ட கிராமியக் கடற்றொழிலாளர் சமாசத் தலைவர் நாகநாதி பொன்னம்பலம் ஆகியோர் தெரிவு செய்யப்பட்ட மக்களுக்கு ஓரளவு தெரிந்த முகங்கள்.