ஆசிரியர்கள் கற்பித்தலின் போது தொலைபேசியை நிறுத்தவேண்டும் - பெற்றோர் வேண்டுகோள்

(அப்துல்சலாம் யாசீம்) 

மாணவர்களுக்கு கல்வி கற்பிற்கும் நேரங்களில் ஆசிரியர்கள் கைத்தொலைபேசி பாவிப்பதை நிறுத்த வேண்டும் என பெற்றோர்கள் ரொட்டவௌ முஸ்லிம் வித்தியாலத்தின் அதிபர் எம்.கே.உவைஸிடம் கோரிக்கை விடுத்துள்ளனர்.

பெற்றோர்,ஆசிரியர் சங்க கூட்டம் நேற்று 11-06-2013 பாடசாலை மண்டபத்தில் நடைபெற்றபோதே இவ்வாறு பெற்றோர்கள் தெரிவித்தனர்.

மேலும் அக்கூட்டத்தில் பெற்றோர் ஒருவர் கருத்துத்தெரிவிக்கையில்,

தனது பிள்ளை பற்றிய விபரங்களை விசாரிப்பதற்காக பாடசாலைக்கு வருகை தந்த போது வகுப்பு ஆசிரியர் தான் கைத்தொலைபேசியில் பேசிக்கொண்டிருப்பதை அவதானித்தேன். அவர் 20 நிமிடங்கள் வரை பேசிக்கொண்டிருந்ததாகவும் தெரிவித்த அவர் ஒரு பாடத்திற்குறிய நேரம் 35 நிமிடங்களாக மட்டுப்படுத்தப்பட்ட போதிலும் அதில் 20 நிமிடம் பேசிக்கொண்டிருந்தால் பிள்ளைகளின் கற்றல் நடவடிக்கை பாதிக்கப்படலாம் எனவும் தெரித்தனர்.

எனவே ஆசிரியர்கள் வகுப்பு நேரங்களில் மாத்திரம் கைத்தொலைபேசி பாவிப்பதை நிறுத்த வேண்டும் எனவும் தெரிவித்தார்.