ஹொரவ்பொதானை முஸ்லிம் பாடசாலை அதிபர்களுக்கான தலைமைத்துவ பயிற்சி

(இஸ்ஹாக்) 

கல்வி அமைச்சின் தமிழ்ப் பிரிவின் அனுசரனையுடன் கெபித்திகொள்ளாவ கல்வி வலயத்திற்கு  உட்பட்ட முஸ்லிம் பாடசாலைகளில் கடமையாற்றும் அதிபர்கள், பிரதி அதிபர்கள் மற்றும் பாடசாலை முகாமைத்துவ குழு உறுப்பினர்களுக்குமான  தலைமைத்துவப் பயிற்சி செயலமர்வு ஒன்றை கெபிதிகொள்ளாவ கல்வி வலய தமிழ் பிரிவு பிரதிக்கல்விப் பணிப்பாளார்களான முஹம்மது மற்றும்  அப்துல்லா அகியோரினால் ஏற்பாடு செய்யப்பட்டு 2013.06.28 தொடக்கம் 2013.06.29 வரை  ஹொரவ்பொதானை முஸ்லிம் மகா வித்தியாலய நூலகத்தில் நடைபெற்றது.

இதில் வளவாளர்களாக  மூதூர் தேசிய பாடசாலையின் அதிபர் மஃரூப் கலந்துகொண்டு பாடசாலையின் பொது முகாமைத்துவம் சம்பந்தமாக விரிவுரை நிகழ்த்தினார். மேலும் ஓய்வு பெற்ற அதிபர் அன்பு ஜவஹர்ஸா அவர்களினால் பாடசாலையின் அதிபரின் கடமை, பொறுப்புக்கள் மற்றும் ஆசிரியர்களின் விடுமுறைகள் சம்பந்தமாகவும் விரிவுரை நடத்தினார்.