பிரிட்டனில் பள்ளிவாசலுக்கு இறைச்சி பார்சல் அனுப்பிவைப்பு

(Tn) பிரிட்டனின் பக்ஷயரில் உள்ள பள்ளிவாசல் இஸ்லாமிய எதிர்ப்பாளர்களால் ஒரு சில வாரத்திற்குள் மூன்றாவது முறையாக இலக்கு வைக்கப்பட்டுள்ளது. கடைசியாக பள்ளிவாசலுக்கு இறைச்சி துண்டொன்றுடன் பொதி ஒன்று அனுப்பப்பட்டுள்ளது.

ஹொல்மன்லீஸ் பள்ளிவாசலின் கண்ணாடிகள் கடந்த மே 22ம் திகதி தாக்கி உடைக்கப்பட்டுள்ளது. பின்னர் கடந்த சனிக்கிழமை பள்ளிவாசல் சுவர்களில் இனவாத சொற்கள் கிறுக்கப்பட்டிருந்தன. இந்நிலையில் தற்போது பள்ளிவாசலுக்கு இறைச்சி துண்டொன்று பொதியில் அனுப்பப்பட்டுள்ளது.

இது பன்றியின் இறைச்சி துண்டாக இருக்கலாம் என சந்தேகிக்கப்படுகிறது. லண்டன் வீதியில் கடந்த மாதம் லீ ரிக்பி என்ற வீரர் பட்டப்பகலில் கழுத்து வெட்டி கொல்லப்பட்ட சம்பவத்தை தொடர்ந்து அங்கு இஸ்லாமிய எதிர்ப்பு நடவடிக்கைகள் அதிகரித்துள்ளன. எனினும் ஹொல்மன்லீஸ் பள்ளிவாசலை உள்ளூர் மக்கள் பெரிதும் மதிப்பதாக உள்ளூர் வாசியான ஜோன் மக்கீ கூறியுள்ளார்.