கட்டுநாயக்க விமான நிலையத்தின் குடிவரவு குடியகல்வுத் திணைக்களப் பொறுப்பதிகாரியாக மன்ஸூர்

இலங்கை குடிவரவு மற்றும் குடியகல்வு திணைக்களத்தின் பதவி நிலை சிரேஷ்ட அதிகாரி கலாநிதி அல்ஹாஜ் எஸ்.எல் மன்சூர் கட்டுநாயக்க விமான நிலையத்தின் குடிவரவு குடியகல்வுத் திணைக்களப் பொறுப்பதிகாரியாக இம்மாதம் முதலாம் திகதி முதல் நியமிக்கப்பட்டுள்ளார். இந்த பொறுப்புமிக்க உயர் பதவிக்கு நியமனம் பெற்றுள்ள முதலாவது முஸ்லிம் இவர் என்பது குறிப்பிடத்தக்கதாகும்.

அநுராதபுரம் மாவட்ட கனேவல்பொல கிராமத்தைப் பிறப்பிடமாகக் கொண்ட இவர் ஒரு பிரபல சமூக சேவகரும் ஆவார். முஸ்லிமகளின் கல்வி முன்னேற்றத்தில் கூடிய கவனம் செலுத்தி வரும் கல்வி அபிவிருத்தி மன்றம் (Educational Development Forum- EDF) என்ற அமைப்பை நிறுவி அதன் தலைவராக தொடர்ந்தும் கல்வித் துறையில் அவர் பணியாற்றி வருகின்றார்.இந்த நியமனம் முஸ்லிம் சமூகத்துக்கு கிடைத்துள்ள ஒரு பெரும் கௌரவமாகும்.