ஆஸாத் சாலி தொடர்ந்து கண்காணிக்கப்படுவார்..?

(உதயன்) கொழும்பு மாநகரசபையின் முன்னாள் பிரதி மேயர் அசாத் சாலியின் நடவடிக்கைகள் குறித்து தொடர்ந்தும் கண்காணிக்கப்படும் என பொலிஸார் தெரிவித்துள்ளனர்.

அசாத் சாலி விடுதலை செய்யப்பட்டாலும் தொடர்ந்தும் அவரது செயற்பாடுகள் குறித்து  புலனாய்வுப் பிரிவினர் கண்காணித்து வருவதாகக் தெரிவிக்கப்பட்டுள்ளது. 

முஸ்லிம் மக்களை ஆயுதப்போராட்டத்திற்கு கொண்டு செல்வதற்கு நடவடிக்கைகள் எடுப்பதாக இந்தியாவிற்கு விஜயம் மேற்கொண்டிருந்த வேளை இந்திய சஞ்சிகை ஒன்றுக்கு தெரிவித்திருந்தார் அதன் அடிப்படையிலேயே இவர் கைது செய்யப்பட்டிருந்ததாக பாதுகாப்பு செயலர் குறிப்பிட்டிருந்தார். 

எனினும் இவருடைய கூற்று தேசியப் பாதுகாப்பிற்கு அச்சுறுத்தல் ஏற்படுத்தக் கூடிய வகையில் அமைந்துள்ளதாக தெரிவிக்கப்பட்டிருந்தது. 

எனினும், இவ்வாறான கருத்துக்களை வெளியிடவில்லை எனவும் குறித்த சஞ்சிகை திரிபுபடுத்திய செய்தியை வெளியிட்டதாகவும் அசாத் சாலி, சத்தியக்கடதாசி மூலம் ஜனாதிபதிக்கு அறிவித்திருந்ததாக தகவல்கள் தெரிவிக்கின்றன.

இதனை அடுத்து அசாத் சாலி விடுதலை செய்யப்பட்டுள்ளார். விடுதலை செய்யப்பட்ட போதிலும், அசாத் சாலியின் நடவடிக்கைகள் கண்காணிக்கப்படும் என அறிவிக்கப்பட்டுள்ளமை குறிப்பிடத்தக்கது.