சச்சின் டெண்டுல்கரை பின்பற்றுமாறு பாகிஸ்தான் கிரிக்கெட் வீரர்களுக்கு உபதேசம்

பாகிஸ்தான் கிரிக்கெட் வீரர்கள் சச்சின் டெண்டுல்கரை பின்பற்றி விளையாட வேண்டும் என்று பாகிஸ்தான் முன்னாள் கிரிக்கெட் வீரர் ஜாவித் மியாண்தத் கூறியுள்ளார். 

சாம்பியன்ஸ் டிராபி போட்டிகளில் விளையாடுவதற்கு பாகிஸ்தான் அணி தற்பொழுது தீவிர பயிற்சியில் ஈடுபட்டு வருகின்றது. அந்த அணியின் வீரர்களுக்கு ஜாவித் மியாண்தத் அறிவுரை வழங்கியுள்ளார்.

இதுகுறித்து அவர் கூறும்போது, "ஒவ்வொரு நாளும் வீரர்கள் தங்களது கடின உழைப்பை அதிகரித்து கொள்ள வேண்டும். கடின உழைப்புக்கு மாற்றாக பயிற்சியாளரோ அல்லது அறிவுரையோ இல்லை. இதற்கு சிறந்த உதாரணம் டெண்டுல்கர். அவரின் அனைத்து வெற்றிகளுக்கும் கிரிக்கெட் விளையாட்டில் அவருக்கு இருக்கும் அர்ப்பணிப்பு மற்றும் கடின உழைப்பே காரணம்.

எந்த ஒரு வீரரும் தனிச்சிறபாக சாதனை புரியவேண்டுமெனில் சச்சின் டெண்டுல்கரை ரோல் மாடலாக கொள்ள வேண்டும். அவரின் கடின உழைப்பு, உடல் தகுதியை சரியாக பேணி வருவது, ஆகியவற்றை தொடர்ந்து பின்பற்றி வந்ததே காரணமாகும்." என்று மியாண்தத் கூறியுள்ளார். inneram