தமிழ்நாட்டில் குலுக்கல் முறையில் ஹஜ் பயணிகள் தேர்வு

இந்தாண்டு, இந்தியாவிலிருந்து, ஹஜ் பயணம் மேற்கொள்ளபவர்களில், தமிழ்நாட்டில், 3 ஆயிரம் பேருக்கு மட்டுமே, ஒதுக்கீடு வழங்கப்பட்டுள்ளது. இந்நிலையில், 11 ஆயிரம் விண்ணப்பங்கள், ஹஜ் கமிட்டியால் பெறப்பட்டுள்ளன. எனவே, தமிழகத்திலிருந்து, ஹஜ் செல்லும் பயணிகளை, குலுக்கல் முறையில் தேர்ந்தெடுக்க, ஹஜ் கமிட்டி முடிவு செய்துள்ளது. ஏப்., 23 ல், ராயப்பேட்டையில் உள்ள புதுக்கல்லூரி ஆனைக்கார் அப்துல் ஷூக்கூர் கலையரங்கில், மாலை, 4 மணிக்கு, குலுக்கல் நடக்க உள்ளது. புனித பயணத்திற்கு விண்ணப்பித்திருப்பவர்கள், இதில் கலந்து கொள்ள வேண்டும் என, ஹஜ் கமிட்டி அழைப்பு விடுத்துள்ளது.