ஹலால் தொடர்பில் முன்னாள் பிரதமரின் அதிர்ச்சிகர தீர்மானம்

ஜனாதிபதி மஹிந்த ராஜபக்ஸவினால் ஹலால் தொடர்பில் ஆராய்வதற்கு அமைக்கப்பட்ட அமைச்சரவை உபகுழு இனிமேல் அதுதொடர்பில் கூடி கலந்துரையாடல்களை மேற்கொள்ளாது என முன்னாள் பிரதமர் ரட்ணசிறி விக்கிரமநாயக்கா அறிவித்துள்ளார்.

அரசாங்கத்தில் அங்கம் வகிக்கும் முக்கிய அமைச்சர் ஒருவரிடமே அவர் இவ்வாறு குறிப்பிட்டுள்ளார். இதனால் குறித்த அமைச்சரவை உபகுழுவில் அங்கம் வகிக்கும் முஸ்லிம் அமைச்சர்கள் அதிர்ச்சியடைந்தள்ளனர். 

ஹலால் தொடர்பில் இறுதி அறிக்கையை ஜனாதிபதியிடம் கையளிக்காது முன்னாள் பிரதமர் எவ்வாறு அப்படி தன்னிச்சையாக தீர்மானிக்க முடியுமென ஜப்னா முஸ்லிம் இணையம் அமைச்சர் ஒருவரிடம் வினவியபோது, உண்மைதான் முன்னாள் பிரதமரின் முடிவு எங்களுக்கும் அதிர்ச்சியளிக்கிறது என்றார் அவர்.