சிங்கள மக்களை திட்டித்தீர்த்த பொதுபல சேனா

(இ. அம்மார்)

பெபிலியான பெஸன் பக் மீது தாக்குதல் பொது பல சேனாவுக்கு எந்த சம்மந்தமுமில்லை. அதனை நாங்கள் வன்மையாகக் கண்டிக்கின்றோம். அதில் சம்பந்தப்பட்டவர்கள் எவராக இருந்தாலும் அவர்களை கைது செய்து சட்ட நடவடிக்கை எடுக்கப்பட வேண்டும் என்று பொலபல சேனா அமைப்பின் செயலாளர் கலகொட அத்தே ஞானசார தேரர் தெரிவித்தார்.

பொதுபல சேனாவின் முஸ்லிம்களுக்கு எதிரான கூட்டம் குருநாகல் மாவட்டத்தில் பன்னல நகரில் உள்ள பொது விளையாட்டு மைதானத்தில் இன்று 3.00 மணி அளவில்  திட்டமிட்டபடி எந்த தலையீடுமின்றி நடைபெற்றுள்ளது இந்தக் கூட்டத்தில் கலந்து கொண்ட போதே அவர் அங்கு இவ்வாறு குறிப்பிட்டார்.

அவர் அங்கு தொடர்ந்த பேசுகையில்,

பொது பல சேனா அமைப்பு இந்த நாட்டில் எந்தவிதமான குற்றச் செயல்களையும் செய்ய வில்லை. பௌத்த சமயத்தவர்களுக்கான விழிப்புணர்வூட்டும் நடவடிக்கையினை நாங்கள் மேற்கொள்கின்றோம். எங்கள் பயணத்தின் மீது கொண்ட பொறாமை ,காழ்ப்புணர்ச்சியின் காரணமாக எங்கள் மீது பலியைப் போடுவதற்காக திட்டமிட்டு செய்யப்பட்ட ஒரு சதி முயற்சியாகும். எவராக இருந்தாலும் சட்டத்தை மீறி நடப்பவர்களுக்கு சட்டநடவடிக்கை எடுக்கப்பட வேண்டும். பெஸன் பக் தாக்குதலை நாங்கள் வன்மையாகக் கண்டிக்கின்றோம் என்று தொவித்ததுடன் வழக்கம் போன்று முஸ்லிம்களுக்கு எதிரான கருத்தினை  அவர்  மேலும் தெரிவித்தார்

இந்தக் கூட்டத்தின் முக்கிய சாரம்சமாக பன்னல பிரதேச சபை இந்தக் கூட்டம் நடத்துவதற்கு பெரும் இடையூறு விளைவித்ததாகவும் சுரொட்டி மற்றும் பெனர்களை போடுவதற்கு கடும் எதிர்ப்புத் தெரிவித்ததுடன் தாக்குதல் நடத்த முற்பட்டதாகவும் நகரிலுள்ள சிங்கள வர்த்தகர்களில் ஓரிரு வர்த்தகர்களைத் தவிர ஏனையவர்கள் ஆதரவளிக்க வில்லை எனவும்  தெரிவிக்கப்பட்டது.

இந்தக் கூட்டத்திற்காக பாரிய பிரச்சார நடவடிக்கைகள்  கடந்த ஒரு வாரகாலமாக ஈடுபட்டனர். நாரம்மல உள்ளிட்ட சில முக்கிய நகரங்களில் கட்டவுட் போன்றவைகளும் . சுவரொட்டிகளும் மற்றும்   இறுதி நாட்களில் ஒலிபெருக்கி மூலம் அழைப்பு விடுத்திருந்தனர்.

இன்று பன்னல நகர் உள்ள அனைத்து கடைகளும் பகல் 12.00 மணியுடன் மூடப்பட்டு விட்டது.  நகர் எந்தவிதமான சன நடமாட்டமின்றி  வெறி சோடிக் காணப்பட்டது. கூடுதலான பொலிஸ் பாதுகாப்புக்கள் வழங்கப்பட்டிருந்தன. இதனால் ஒரு பதற்றமான சூழ்நிலை தோன்றியது. பொலிஸார் கடைகளை மீளத் திருக்குமாறு வற்புறுத்தியதனால் சில சிங்கள வர்த்தகர்களுடைய கடைகள் மட்டும் திறக்கப்பட்டன. முஸ்லிம்கள் எவரும் கடைகளைத் திறக்க வில்லை.

இந்தக் கூட்டத்திற்கு சுமார் 1000 உபட்ட அளவிலான தொகையினரே கலந்து கொண்டனர். இதில் கூடுலாக தொலை தூர இடங்களில் இருந்து வருகை தந்தவர்களே கலந்து கொண்டனர்.

எனினும் இந்தக் கூட்டம் வழக்கம் போன்று  முஸ்லிம்களின் மனதைப் புண் படுத்தும் விடயங்கள்  கதைக்கப்பட்டாலும் குறிப்பாக  பெரும்பான்மையின சிங்கள மக்களைத் திட்டித் தீர்த்கும் கூட்டமாகக் காணப்பட்டது என மக்கள் தெரிவிக்கின்றனர்.