பர்தாவை கேலி செய்தவனுக்கு செருப்பால் அடித்த முஸ்லிம் சகோதரி

(குருநாகலிலிருந்து எமது செய்தியாளர் இக்பால் அலி)

பொல்கஹவெல பிரதேசத்தை சேர்ந்த  முஸ்லிம் பெண்மணி ஒருவர் தனியார் பஸ்ஸில் சென்று கொண்டிருக்கும் போது பர்தாவை கேலி செய்த  நபர்  ஒருவருக்கு செருப்பால் அடித்த சம்பவம் ஒன்று நிகழ்ந்துள்ளது. 

இந்தப் பெண்மணி குருநாகல் வந்துசெல்லும் போது இந்தச் சம்பவம் இடம்பெற்றுள்ளது இது குறித்த மேலதிக தகவல்களைப் பெற்றுக் கொள்ள முயற்சிகள் செய்த போதும் அவரது பாதுகாப்பு நலன் கருதி பெற்றுக்கொள்ள முடியவில்லை.

இந்தச் செய்தியின் நம்பகத் தன்மையை அறிந்து கொள்ளுவதற்காக கிடைத்த தகவலையும் எஸ். எம். எஸ் குறுஞ் செய்தி தகவலையும் வைத்து அந்தப் பிரதேசத்திலுள்ள நன்கு பழக்கப்பட்ட நபருடன் தொடர்பு கொண்டு கேட்ட போது சம்பவம் நூற்றுக்கு நூறு உண்மை எனவும் பாதுகாப்பு நலன் கருதி அப்பெண்மணியுடன் தொடர்பு கொள்ள முடியாது எனவும் அவரது கணவரது விருப்பத்தைக் கேட்க வேண்டும் எனவும் தெரிவித்து விட்டனர்.