யாழ்ப்பாண வெள்ளைத் தேள் ஏனைய பகுதிகளுக்கும் பரவுமென எச்சரிக்கை

யாழ்ப்பாண குடாநாட்டில் மாத்திரம் காணக்கூடிய விஷத்தன்மையை கொண்ட வெண்நிற தேள் வகை நாட்டின் ஏனைய பகுதிகளுக்கும் பரவும் அபாயம் ஏற்பட்டுள்ளதாக எச்சரிக்கப்பட்டுள்ளது.

இது தொடர்பாக ஆய்வினை மேற்கொண்ட குழுவொன்று இந்த எச்சரிக்கையினை விடுத்துள்ளது.

காரைநகர், அச்சுவேலி, பலாலி போன்ற பிரதேசங்களில் ஏற்கனவே குறித்த வெண்ணிற தேள்கள் காணக்கூடியதாக உள்ள நிலையில், அவை இந்தியாவில் இருந்து அவை இங்கு வந்திருக்கலாம் எனவும் அராச்சிக் குழுவினர் தெரிவித்துள்ளனர்.

இந்தவகையான தேள்கள் கொட்டியதன் காரணமாக மரணங்களும் சம்பவதித்துள்ளதாக யாழ்ப்பாண மருத்துவ தரப்பினர் தெரிவித்துள்ளனர்.