முஸ்லிம் தாக்கப்பட்டிருப்பின் இனக்கலவரம் வெடித்திருக்கும் - சிங்களவர்களோ பொறுமை

(ஜே.எம்.ஹபீஸ்)

இலங்கை பௌத்தர்கள் பொறுமை காப்பதாகவும், பௌத்த குருமாருக்கு இந்தியாவில் நடந்த நிலைமை ஒரு முஸ்லிமுக்கு நடந்திருந்தால் இன்று இந்த நாட்டில் பாரிய கலவரம் ஒன்றே வெடித்திருக்குமென்று மத்திய மாகாண சபை அங்கத்தவர் துசார சுவர்ணதிலக தெரிவித்தார்.

இந்தியாவில் இலங்கையைச் சேர்ந்த பௌத்த மதகுருமார் தாக்கப்பட்டதற்கு கண்டனம் தெரிவிக்கும் வகையில் ஒழுங்கு செய்யப்பட்ட ஒருநிகழ்வின் போது அவர் ஊடகங்களுக்கு இவ்வாறு தெரிவித்தார்.

அவர் மேலும் தெரிவித்ததாவது,

முஸ்லிம்களை நிந்திக்கும் வகையில்  திரைப்படம் எடுக்கப்பட்டது என்பதற்காகவும் மேற்குலக நாடு ஒன்றில் ஒருகார்ட்டுன் வெளியிடப்பட்டது என்பதற்காகவும் முஸ்லீம்கள் கொதித்து எழுந்தனர். ஆனால் நாம் அப்படிச் செய்யவில்லை. பௌத்த தர்மத்தின் படி மிக அமைதியாக எமது எதிர்ப்பைத் தெரிவித்துள்ளோம். எதிர்காலத்தில் இவ்வாறான நிலைமைகள் இனி ஏற்படாத வாறு இந்தியா நடவடிக்கை எடுக்க வேண்டும் என்பதையே நாம் இங்கு வழியுறுத்துகின்றோம்.

விரட்டி விரட்டி தாக்கப்ட்டபோதும் பௌத்தகுருவான அவர் தாம் பெற்ற பயிற்சிகளின் அடிப்படையில் பொறுமையுடனும் நிதானமாகவும் செயல்பட்டு பௌத்த தர்மத்தின் மகிமையைப் பாதுகாத்தார். குருவான அவர் நினைத்திருந்தால் எதிர் நடவடிக்கைகளைக் காட்டி இருக்க முடியும். ஆனால் அவர் அப்படிச் செய்யவில்லை என்றார்.