மதீனா நகர் மத்ரசா கிணறுக்கான அடிக்கல் கிண்ணியா நகரபிதாவினால் நாட்டிவைப்பு

(அபூ அஹ்ராஸ்)

கிண்ணியா மதினா நகர் மத்ரசா மாணவர்களின் நீண்ட கால குறையாக இருந்து வந்த கிணறு அமைப்பதற்கான ஏற்பாடுகள் தற்போது செய்யப்பட்டு கிணறுக்குரிய கட்டுமான வேலைக்கான அடிக்கல் கிண்ணியா நகரபிதா டொக்டர் எம்.எம்.ஹில்மியினால் ஆரம்பித்து வைக்கப்பட்டது.

இஸ்லாமிய மார்க்க அறிவினை பெறும் மாணவர்களின் நீர்த்தேவையை நிவர்த்திக்கும் நோக்கில் மத்ரசாவுக்கான கிணறு அமைக்கப்படுகின்றது. கோடை காலங்களில் இப்பிரதேசத்தில் நீர் பெறுவது கடினமாக இருப்பதும் இங்கு குறிப்பிடத்தக்கதாகும். அந்தவகையில் இங்கு கிணறு அமைப்பது மிகவும் பொருத்தமான ஒன்றாகவுள்ளது. இந்நிகழ்வில் மௌலவி அரூஸ் அப்பிரதேச தலைவர்கள் மற்றும் கல்வி பயிலும் மாணவர்கள் பொதுமக்களென பலரும் நிகழ்வில் கலந்து கொண்டனர்.