மட்டக்களப்பில் பிரதம நீதியரசர் (படங்கள்)

(பழுளுல்லாஹ் பர்ஹான் + அனா + மொஹமட் அஹ்மட்)

பிரதம நீதியரசர் மொஹான் பீரிஸ் இன்று செவ்வாய்க்கிழமை மட்டக்களப்பு மாவட்டத்திற்கு உத்தியோகபூர்வ விஜயமொன்றை  மேற்கொண்டார்.

இன்று முதன்முதலாக மட்டக்களப்புக்கு விஜயம் செய்த பிரதம நீதியரசர் மொஹான் பீரிஸ், முதலில் மட்டக்களப்பு அம்பாறை மறை மாவட்ட ஆயர் கலாநிதி திரு.பொன்னைய்யா ஜோசப்பை மட்டக்களப்பு ஆயர் இல்லத்தில் சந்தித்து ஆசி பெற்றார்.

இச்சந்திப்பில் மட்டக்களப்பு மேல் நீதிமன்ற நீதிபதி சிவபாதசுந்தரம், சிவில் மேன்முறையீட்டு நீதிமன்ற நீதிபதி சசி மகேந்திரன், மட்டக்களப்பு சட்டத்தரணிகள் சங்க தலைவர் வினோபா இந்திரன் உள்ளிட்ட சட்டத்தரணிகள்இநீதிமன்ற அதிகாரிகள் உட்பட பலர் கலந்துகொண்டனர்.

இதையடுத்து மட்டக்களப்பு நீதிமன்ற கட்டிடத்தொகுதிக்கு பிரதம நீதியரசர் மொஹான் பீரிஸ் விஜயம் செய்தார்.  இதன்போது மட்டக்களப்பு சட்டத்தரணிகள் சங்கத்தினால் பிரதம நீதியரசர் மொஹான் பீரிஸிற்கு நினைவுச்சின்னமொன்று வழங்கி வைக்கப்பட்டது. அதையடுத்து பிரதம நீதியரசர் மொஹான் பீரிஸ் புதிதாக நிர்மாணிக்கப்பட்டு வரும் மட்டக்களப்பு நீதிமன்ற கட்டட வேலைகளை நேரில் சென்று பார்வையிட்டார்.