முந்தல் பிரதேச செயலகத்தின் பிறப்பு, இறப்பு பதிவுகள் நடமாடும் சேவை

(அபூ முஸ்னா)

முந்தல் பிரதேச செயலகத்தின் பதிவாளர் பிரிவின் மூலம் ஏற்பாடு செய்யப்பட்டுள்ள பிறப்பு மற்றும் இறப்பு பதிவுகள் தொடர்பிலான நடமாடும் சேவை நாளை வியாழக்கிழமை விருதோடையில் இடம்பெறவுள்ளது. முந்தல் பிரதேச செயலகப் பிரிவில் பிறப்பு இறப்பு பதிவுகள் இல்லாதவர்களின் நலன் கருதி அவ்வாறானவர்களுக்கு அப்பதிவுகளை செய்து கொடுக்கும் நோக்கில் சகல கிராம உத்தியோகத்தர் பிரிவுகளிலும் இவ்வாறான நடமாடும் சேவைகள் முன்னெடுக்கப்பட்டு வருகின்றன. 

இவ்வகையில் விருதோடை, நல்லாந்தழுவை, மற்றும் புழுதிவயல் கிராம உத்தியோகத்தர் பிரிவுகளை உள்ளடக்கி நாளை மறு தினம் வியாழக்கிழமை இந்த நடமாடும் சேவை இடம்பெற உள்ளது. காலை முதல் இடம்பெறும் இச்சேவையின் போது இப்பரிவுகளில் பிறப்புச் சான்றிதழ் இல்லாமல் மற்றும் இறப்புப் பதிவுகளை மேற்கொள்ளாதவர்கள் இச்சந்தர்ப்பத்தைப் பயன்படுத்தி தமது பதிவுகளை செய்து கொள்ள முடியும் என பதிவாளர் பிரிவு அறிவித்துள்ளது. 

முந்தல் பிரதேச செயலகப் பிரிவில் பிறப்புச் சான்றிதழ் இன்றி எவரும் சிரமங்களுக்கு உள்ளாகக் கூடாது என்ற நோக்கில் அவர்களின் பிரதேசங்களுக்கே சென்று அவர்களுக்கு இந்தச் சேவையினை வழங்க இச்சேவை முன்னெடுக்கப்பட்டு வருகின்றதுடன் சகல பிரிவுகளிலும் பலர் இச்சேவையின் ஊடாக பயனடைந்து வருகின்றனர்.