அஷ்ரப் சிஹாப்தீனின் 'விரல்களற்றவனின் பிரார்த்தனைகள்' நூல் வெளியீடு (படங்கள்)

(ஏ.எஸ்.எம்.இர்ஷாத்) 

அஷ்ரஃப் சிஹாப்தீன் எழுதிய 'விரல்களற்றவனின் பிரார்த்தனைகள்' (சிறுகதைகள்) வெளியீட்டு நிகழ்வு இன்று ஞாயிற்றுக்கிழமை 03-03-2013 மாலை கொழும்பு தமிழ் சங்கத்தில் தமிழ்மாமணி கவிஞர் அல் அஸூமத் தலைமையில் நடைபெற்றது.

பிரதம அதிதியாக கிழக்கு மாகாண சபை உறுப்பினர் சட்டத்தரணி எம்.எஸ்.எஸ்.அமீர் அலி கலந்து கொண்டார். புரவலர் ஹாசிம் உமர் நூலின் முதற்பிரதியை பிரதம அதிதியிடமிருந்து பெற்றுக்கொண்டார். தமிழ் வாழ்த்தை ப.க.மகாதேவனும் வரவேற்புரையை மாணவன் முஹம்மத் அஹ்ஸன் அலி நிகழ்த்தினார்கள்.

வாழ்த்துரையை மாத்தளை இஸ்லாமிய தமிழ் இலக்கிய பேரவை செயலாளர் எம்.எம்.பீர்முஹம்மதுவும் கருத்துரைகளை எழுத்தாளர் மு.தயாபரன் மற்றும் ஊடகவியலாளர் எஸ்.எம்.எம்.முஷர்ரஃப் ஆகியோர்கள் நிகழ்த்தினர். ஏற்புரையை நூலாசிரியர் அஷ்ரஃப் சிஹாப்தீன் நிகழ்த்தியதுடன் நிகழ்ச்சிகளை ஊடகவியலாளர் ஏ.எம்.தாஜ் தொகுத்து வழங்கினார்.