ஊமை விழிகள்..!

(எச். பைஸ் - அல்அஸ்ஹர் பல்கலைக்கழகம்)

இந்த தலைப்பு இரு மாறுபட்ட உறுப்புகளை கொண்டது. ஓன்று வாயால் பேசுதல் மற்றது கண்ணால் பார்த்தல். அதாவது கண்ணால் இலங்கையில் நடக்கும் எல்லா முஸ்லிம் எதிர்  நடவடிக்கைகளையும்  பார்த்து எதுவும் பேசாமல் வாய் மூடி மௌனியாக இருப்பதைத்தான் இது குறித்து நிற்கிறது . 

இன்று இலங்கையில் நடக்கும் பிரச்சினைகள் அனைத்தும் முஸ்லிம்களின் ஒரு சில நடவடிக்கைகளை இல்லாமல் செய்ய நடக்கும் பிரச்சினையாக தெரியவில்லை. மாறாக இலங்கை முஸ்லிம்கள் இன ரீதியாக மற்றும் பொருளாதார ரீதியாக  முடக்கி அவர்களை ஆயுதம் எந்த வைத்து அதன் காரணமாக அவர்களை அடக்கி நாட்டை விட்டும் வெளியேற்றி விடத்தான் இப்படியான நடவடிக்கைகள் மேட்கொள்ளப்படுகின்றன என்பதை சீரிய சிந்தனையுடைய எவரும் மறுக்க முடியாது .

இதற்கு காரணமாக  பொது பல சேனா என்ற ஒரு பௌத்த தீவிரவாத இயக்கம் வெளிப்படையாக தெரிந்தாலும் அதன்  பின் புலத்தில் உள்நாட்டு மற்றும் வெளிநாட்டு பலத்த சக்தி இருப்பதும் மறுக்க முடியாத ஒன்றாகும் .

ஆனால் இங்கே நான் சுட்டிகாட்ட நினைப்பது அதுவல்ல மாறாக இன்று இலங்கையில் நடைபெறும் அனைத்துவித முஸ்லிம் எதிர் நிகழ்வுகளை கண்டும் வாய் மூடி எதுவும் பேசாமல்  இருக்கும் முஸ்லிம் சமூகத்தை பற்றி தான் .

இப்படி இலங்கை விடயத்தில் வாய் மூடி மௌனிகளாக இருக்கும் தரப்புகளை  பின்வரும் தரப்புகளாக  பிரித்து கூற முடியும். 

1. இலங்கையில் நடக்கும் பிரச்சினைகள் என்னவென்று  தெரிந்தும் அதை பற்றி ஆக்க பூர்வ நடவடிக்கை  எடுக்காமல் இருக்கும் முஸ்லிம் வெளிநாடுகள்.

2. ஒரு இனத்தை குறி வைத்து தாக்கும் நிகழ்வை கண்டும் அதற்கு ஆக்கபூர்வ நடவடிக்கை எடுத்து நிறுத்த சக்தி பெற்றிருக்கும் இலங்கை அரசு மௌனம் காப்பது.

3. பொறுப்பு சொல்ல கடமையுள்ளவர்களாக  இருந்து   முஸ்லிம்களை அனைத்து வித எதிர் நடவடிக்கையில் இருந்தும் பாதுகாக்க மக்களால் தெரிவு செய்யப்பட்ட அரசியல் வாதிகளின் மௌனம்.

4. எல்லா பிரச்சனைகளையும் கண்டும் அதற்கு எதிர்ப்பு நடவடிக்கை மேற்கொள்ள முடியாமல் தயங்கி நிக்கும் முஸ்லிம் இயக்கங்கள் ,முஸ்லிம் தனியார் நிறுவனங்கள் , அரசியல்யற்ற  மக்கள் தலைவர்கள், இலங்கை வாழ் முஸ்லிம். 

 இவர்கள் எல்லோரும் இலங்கை  விடயத்தில் அனைத்தும் தெரிந்தும் வாய் மூடி ஊமைகளாக இருப்பது தான் கவலையான விடயமாகும் .

எனவே  இன்றைய இலங்கை முஸ்லிம்களின் உடனடி தேவை எல்லா பிரச்சினைகளுக்கும் கூட்டு அடிப்படையில் பதில் தேடுவதேயாகும் . நமக்கு சரியென்று தெரியும் ஒரு சில விடயங்களுக்காக மற்றவர்களை தூரமாக்கும் நடவடிக்களை அனைவரும் தவிர்த்து நடப்பது நமது இருப்பை தக்க வைக்க உதவியாக இருக்கும்  .

ஹலால் விடயத்தில் ஜம்மியத்துல் உலமா விட்டு கொடுத்து விட்டது என்று நாம் உடனடி ஆதங்கத்தின் மூலம் விசனப்பட்டு சில விமர்சனங்களையும் வெளிப்படுத்தியும்  விட்டோம். ஆனால் ஜம்மியத்துல் உலமாவின் இந்த முடிவு  சரியா? தவறா?  என்பதை அல்லாஹ் மட்டுமே அறிவான் . இதை விமர்சிப்பது இனியும் நம் நோக்கமாக இருக்காமல் கூட்டு முயற்சியாக செயற்பட அனைவரும் முன்வர வேண்டும்.

எனவே  இலங்கை முஸ்லிம்களை பாதுகாக்கும் பொறுப்பு எல்லா விதத்திலும்  அனைவருக்கும் உண்டு. அதாவது முஸ்லிம் வெளிநாடுகள், ஜம்மியத்துல் உலமா ,அரசியல் வாதிகள், முஸ்லிம் இயக்கங்கள் , அதே போல் ஒவ்வரு இலங்கை முஸ்லிம் . இவர்கள் அனைவரும்  இனியும் வாய் மூடி ஊமை விழிகளாக இருக்காமல் உடனடி ஆக்க பூர்வ நடவடிக்கை எடுக்க முயற்சி எடுக்க வேண்டும் .

நாமாக நம்மை பாதுகாக்க முயற்சி எடுக்காவிட்டால் இறைவனும் எங்களுக்கு உதவி செய்ய முன்வர மாட்டான் என்பது தான் இறை வாக்காகும். ஆகவே இலங்கை முஸ்லிம் இருப்பை தக்க வைக்க அனைவரும் ஒன்றிணைந்து செயட்பட அல்லாஹ் உதவி செய்வானாக .