பிறை எப்.எம் வானொலியின் விளக்கம்

வைக்கோற் பட்டறை மிருகம்... எனும் தலைப்பில் சிபான் பீ.எம் என்பவரினால் நேற்று 25ம் திகதி திங்கட்கிழமை ஜப்னா முஸ்லிம் இணையத்தளத்தில் பதியப்பட்டிருந்த செய்திக்கான உண்மைத் தன்மையை, அக்கரைப்பற்றில் இயங்கும் பிறை எப்.எம் வானொலியின் நிருவாகம் விளக்கியுள்ளது.

(எஸ்.அன்சப் இலாஹி)

இலங்கை ஒலிபரப்புக்கூட்டுத்தாபனத்தின் பிராந்திய வானொலிகளில் ஒன்றுதான் அக்கரைப்பற்றில் இயங்கும் பிறை எப்.எம். ஆகும். இந்த பிராந்திய வானொலி இப்பிரதேசத்தின் மத, கலை, கலாசாரங்களை பேணி தனது சேவையை நடாத்திவருகிறமையை இவ் வானொலி கேட்கும் நேயர்கள் அறிவார்கள். இருந்த போதிலும் மேற்குறிப்பிட்ட செய்தியை எழுதியவர் ஓர் கல்விமானுடைய இதயக் குமுறலையே கொண்டுவந்ததாக சொல்லியிருக்கிறார். ஊடகத்தர்மத்தினை பற்றியும் கூறியுள்ளார்.

ஊடக தர்மம் என்றால் என்ன என்பதனை இரண்டு நபர்களும் முதலில் கற்றுக்கொள்ளவேண்டும். ஏனென்றால் ஒரு செய்தியை எழுதும்போது அந்த செய்தியின் உண்மைத்தன்மையை உறுதிப்படுத்திய பின்புதான் அதனை ஊடகங்களுக்கு எழுதி அனுப்பவேண்டுமே தவிர ஓர் கல்வி மான் கூறினார் என்பதற்காக பிழையான தகவல் உண்மையாகிவிடமுடியாது. பிழையான தகவல்களை வழங்கி ஒரு நிறுவனத்திற்கு பொதுமக்கள் மத்தியில் கெட்;ட பெயரை உருவாக்கியுள்ளார்.

பிறை எப்.எம் வானொலி தினமும் காலை 05.45க்கு ஆரம்பித்து காலை 08.00மணிவரை நிகழ்ச்சிகளை வழங்கும் அதன் பின்னர் காலை 08.00மணியிலிருந்து 10.00மணிவரை இலங்கை ஒலிபரப்புக்கூட்டுத்தாபனத்தின் கொழும்பிலிருந்து ஒலிபரப்பாகும் முஸ்லிம் நிகழ்ச்சிகள் ஒலிபரப்பாகும். இந் நிகழ்ச்சி கொழும்பிலிருந்து வழங்கப்படுவதாகும். மீண்டும் காலை 10.00மணியிலிருந்து இரவு 07.00மணிவரை பிறை எப்.எம் இன் நிகழ்ச்சிகள் ஒலிபரப்பாகி 07.00மணிக்கு பிறை எப்.எம் இன் ஒலிபரப்புகள் நிறைவடையும். இதற்கு இடையே மூன்று பிரதான செய்திகளும் கொழும்பிலிருந்தே ஒலிபரப்பாகிறது இதற்கும் பிறை எப்.எம் க்கும் சம்மந்தம் இல்லை. இதற்குப் பின்னர் 07.00மணியிலிருந்து இரவு 11.30வரை ஒலிபரப்பாகும் நிகழ்ச்சிகளுக்கும் பிறை எப்.எம் க்கும் எதுவித தொடர்புமில்லை அவை அனைத்தும் கொழும்பிலிருந்தே ஒலிபரப்பாகிறது என்பதனை தெரிவித்துக்கொள்கிறோம்.

இவ் உண்மைத்தன்மையை செய்தி எழுதுபவர் தெரியாவிட்டால் தெரிந்தவரிடம் கேட்டறிந்து எழுதியிருக்கவேண்டும். 'சிபான்' நிறைய கற்கவேண்டும், வீதியால் செல்லும் ஆயிரம் பேர் ஆயிரம் சொல்லுவார்கள் அதனை கேட்டு செய்தி எழுதுவது இதுதான் இறுதியாகக் கொள்ளுங்கள். 'வைக்கோல் பட்டறை  நாய் போன்று செயற்பட்டு' மற்றும் 'பளிங்குக் கடையில் பைத்தியம் பிடித்த எருது போல்' மிகக் கேவலமான வார்த்தைப்பிரயோகங்களை பயன்படுத்தியுள்ளமை இவரின் கல்வித்தரம் அல்லது அறிவு என்பனவற்றில் குறைபாடுகளையே காட்டுகிறது. அப்படியானவர்கள்தான் இப்படியான பிரயோகங்களை பயன்படுத்துவார்கள். குறைபாடுகள் இருந்தால் உடனடியாக வைத்தியரை சந்தித்து ஆலோசனை பெறுங்கள். 

எனவே மேற்குறிப்பிடப்பட்டுள்ள விடயங்களை வைத்து வாசகர்களாகிய நீங்கள் சரி எவை? பிழை எவை? உண்மை என்ன? என்பதனை அறிந்து கொள்ளுங்கள். என்றும் பிறை எப்.எம். தனது பக்கத்தை விளக்கியுள்ளது.