அம்பாறை முஸ்லிம் பிரதேசங்களில் இன்று பூரண ஹர்த்தால் (பிரத்தியேக படங்கள்)

முஸ்ஸப் அஹமட் 
பைஷல் இஸ்மாயில்
ரீ.கே. றஹ்மத்துல்லா
கே.சி.எம்.அஸ்ஹர
சுலைமான் றாபி
எஸ்.அன்சப் இலாஹி
பீ.எம்.எம்.ஏ.காதர்
அனாசமி
அகமட் எஸ். முகைடீன்

அம்பாறை மாவட்டத்தின் முஸ்லிம் பிரதேசங்களில் இன்று திங்கட்கிழமை பூரண கடையடைப்பு, ஹர்த்தால் அனுஷ்டிக்கப்பட்டு வருகிறது. 

இப் பிரதேசங்களிலுள்ள வர்த்தக நிலையங்கள் மூடப்பட்டுள்ளதோடு, போக்குவரத்துக்களும் ஸ்தம்பிமடைந்து காணப்படுகின்றன. இதனால், அம்பாறை மாவட்டத்தின் இயல்புநிலை இன்றைய தினம் பாதிக்கப்பட்டுள்ளது. 

முஸ்லிம்களின் சமய – கலாசார செயற்பாடுகளுக்கு எதிராக அண்மைக்காலமாக நாட்டில் மேற்கொள்ளப்பட்டு வரும் பேரினவாத நடவடிக்கைளுக்கு தமது கண்டனங்களை வெளிப்படுத்தும் வகையிலேயே இன்றைய தினம் முஸ்லிம்கள் - ஹர்த்தால் அனுஷ்டித்து வருகின்றனர். 

இதேவேளை, ஹர்த்தால் அனுஷ்டிக்கப்படும் பகுதிகளில் இன்று வழமைக்கு மாறாக அதிகளவு படையினரின் நடமாட்டம் உள்ளதோடு, வீதிகளில் படையினர் பாதுகாப்பு நடவடிக்கையில் ஈடுபட்டு வருகின்றமையும் குறிப்பிடத்தக்கது.