அமெரிக்கா நடாத்திய சித்திரவதை கூடம் ஆப்கானிஸ்தானிடம் கையளிப்பு (வீடியோ)
அமெரிக்காவின் கட்டுப்பாட்டில் இருந்த, "பக்ரம்' (சித்திரவதைக்கு பெயர்போன) சிறை, ஆப்கானிஸ்தான் அரசிடம் ஒப்படைக்கப்பட்டுள்ளது.ஆப்கானிஸ்தானில், 2001ல், அமெரிக்கா தலைமையிலான படைகள் தாக்குதல் நடத்தி, தலிபான் ஆட்சியை வீழ்த்தின. இதைத் தொடர்ந்து, அமெரிக்க படைகள் அங்கு தங்கியுள்ளன.அடுத்த ஆண்டு இறுதிக்குள், ஆப்கனில் இருந்து அமெரிக்க படைகள் வாபசாக ஒப்பந்தம் மேற்கொள்ளப்பட்டுள்ளது. அமெரிக்க படைகளின் கட்டுப்பாட்டில் இருந்த பல சிறைகள், ஆப்கனிடம் ஒப்படைக்கப்பட்டு விட்டன.
இந்நிலையில், அமெரிக்க கட்டுப்பாட்டில் இருந்த பக்ரம் சிறை, ஆப்கானிஸ்தானிடம் நேற்று ஒப்படைக்கப்பட்டது.கடந்த செப்டம்பர் மாதமே, இச்சிறை, ஆப்கனிடம் ஒப்படைக்கப்பட இருந்தது. எனினும், பயங்கர குற்றவாளிகள் என, அமெரிக்கா கருதும் கைதிகளை, விடுதலை செய்வது குறித்து, இரு நாடுகளுக்கும் இடையில் நிலவி வந்த கருத்து வேறுபாடுகளால், தாமதம் ஏற்பட்டது.
Post a Comment