கல்பிட்டியில் 6 கிலோ கேரள கஞ்சா மீட்பு

(அபூ முஸ்னா)

கல்பிட்டி பள்ளியாவத்தை எனும் தீவில் மறைத்து வைக்கப்பட்டிருந்த ஆறு கிலோ கேரள கஞ்சாவை சந்தேக நபர் ஒருவருடன் கைது செய்துள்ளதாக கல்பிட்டி பொலிசார் தெரிவித்தனர். இன்று ஞாயிற்றுக் கிழமை காலை இச்சுற்றிவளைப்பு நடவடிக்கை மேற்கொள்ளப்பட்டுள்ளது.  கல்பிட்டி சின்னக்குடியிருப்பு பிரதேசத்தைச் சேர்ந்த ஒருவரே இவ்வாறு கஞ்சாவுடன் னைது செய்யப்பட்டவராவார்.

நேற்று மு்னதினம் வெள்ளிக்கிழமை இரவு கல்பிட்டியில் 48 கிலோ கேரள கஞ்சாவுடன் மூவர் கைது கல்பிட்டி பொலிசாரால் செய்யப்பட்டிருந்தனர். கைது செய்யப்பட்ட சந்தேக நபர்களை தடுத்து வைத்து விசாரணை செய்யும் பணிப்பின் பேரில் தடுத்து வைக்கப்பட்டு விசாரணை மேற்கொண்டு வரும் நிலையில் அவர்களிடமிருந்து கிடைத்த தகவலினையடுத்தே  பள்ளியாவத்தை தீவில் மறைத்து வைக்கப்பட்டிருந்த நிலையில் இந்த 6 கிலோ கஞ்சா மீட்கப்பட்டுள்ளது.

இச்சம்பவம் தொடர்பில் கல்பிட்டி பொலிசார் மேலதிக விசாரணைகளை மேற்கொண்டு வருகின்றனர்.