பூப்புனித நீராட்டு விழாவில் துப்பாக்கி சூடு - 5 பேர் படுகாயம்

புத்தல - ஒக்கம்பிட்டிய - பஹலகம பிரதேசத்தில் பூப்புனித நீராட்டு விழா இடம்பெற்ற வீடொன்றில் மேற்கொள்ளப்பட்ட துப்பாக்கிச்சூட்டில் ஐவர் படுகாயமடைந்துள்ளனர். வாய்ச்சண்டை நீண்டதால் நேற்று 07-03-2013 இரவு 11.45 அளவில் துப்பாக்கிச்சூடு நடாத்தப்பட்டுள்ளது. 

காயமடைந்த ஐவரும் மொனராகலை வைத்தியசாலையில் அனுமதிக்கப்பட்டு அதில் இருவர் மேலதிக சிகிச்சைகளுக்காக பதுளை வைத்தியசாலைக்கு மாற்றப்பட்டுள்ளனர். 

துப்பாக்கிச்சூடு நடாத்தியதாகக் கூறப்படும் நபரும் தாக்குதலுக்கு இலக்காகி வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.