பாகிஸ்தானில் பள்ளிவாசலில் குண்டுவெடிப்ப - 4 பேர் மரணம், 28 பேர் காயம்

வடமேற்கு பாகிஸ்தானில் உள்ள பெஷாவர் நகரத்தின் மீனா பஜார் பகுதியில் உள்ள மசூதிக்குள் இன்று பிற்பகல் நிகழ்ந்த குண்டு வெடிப்பு சம்பவத்தில் 4 பேர் கொல்லப்பட்டனர். 28 பேர் படுகாயமடைந்தனர்.

இந்த குண்டு வெடித்தபோது மசூதிக்குள் 30க்கும் மேற்பட்டவர்கள் இருந்தனர். குண்டு வெடித்த வேகத்தில் மசூதியின் சிறிய பகுதி இடிந்து விழுந்தது.

சம்பவ இடத்திற்கு செல்லும் பாதை குறுகலானதாக இருந்ததால் மீட்புப் படையினரால் உடனடியாக வந்து சேர முடியவில்லை. இந்த குண்டு வெடிப்பையடுத்து மீனா பஜார் மார்க்கெட் பகுதியில் பதற்றம் ஏற்பட்டது.

பொருட்கள் வாங்குவதற்காக மார்க்கெட்டிற்கு வந்திருந்த பெண்கள், தங்களின் குழந்தைகளை அரவணைத்து பாதுகாத்தபடி, கூச்சலிட்டவாறு தலைதெறிக்க ஓடினார்கள்.

சில நிமிடங்களுக்குள் மார்க்கெட்டில் உள்ள அனைத்து கடைகளும் அடைக்கப்பட்டன. இந்த வெடிகுண்டு தாக்குதலுக்கு எந்த இயக்கமும் பொறுப்பேற்றுக் கொள்ளவில்லை.