தெஹிவளையில் 3 பாகிஸ்தான் பெண்கள் கைது - உளவுபார்த்ததாக சிங்கள ஊடகம் தகவல்

(J.M.Hafees)

சட்டவிரோதமான முறையில் இலங்கையில் தங்கி இருந்ததாகத் தெரிவித்து மூன்று பாகிஸ்தான் பெண்களை தெஹிவளை  பொலிஸார் கைது செய்துள்ளதாகவும் அவர்கள் வெளிநாடுகளுக்காக வேவுபார்த்தவர்கள் எனச் சந்தேகிப்பதாகவும் பிரபல சிங்கள ஊடகம் ஒன்று செய்தி வெளியிட்டுள்ளது.

இவர்கள் ஐ.நா. வின் அகதி அந்தஸ்த்தை கோரி இருந்ததாகவும், அவர்களில் ஒருவர் ஊடகவியலாளர் என்றும், தெஹிவளை   அத்தபத்து வீதியில் சட்டவிரோதமாகத் தங்கி இருந்த போதே கைதானதாக அச் செய்தி மேலும் தெரிவிக்கிறது.

அதே நேரம் இவர்கள் வேவு பார்க்கும் ஒற்றர்கள் என  சந்தேகிப்பதாகவும் பல்வேறு இலங்கை பற்றிய பிழையான  தகவல்களை வழங்கியதாக சந்தேகிப்பதாகவும் அவ் இணையத்தில் மேலும் தெரிவிக்கப்பட்டுள்ளது.