இலங்கை பெண்கள் 3 பேர் சவூதி அரேபியாவில் மரணம்

(ஜே.எம்.ஹபீஸ்)

சவூதி அரேபியாவிற்கு இலங்கையிலிருந்து  சென்ற மூன்று சுத்திகரிப்புப் பெண் ஊழியர்கன் வாகன விபத்தில் மரணமடைந்துள்ளனர்.

மரதானை முகவர் நிலையம் ஒன்றினுடாகச் சென்ற இவர்கள் சவுதி அரேபியாவில் வாகன மொன்றில் மக்கா தாயிப் பெருவீதியில் சென்று கொண்டிருந்த சமயமே இவ்விபத்து ஏற்பட்டுள்ளது.

விபத்தில் மரணமானவர்கள்சிலாகே பத்மா ரஞ்சனி(55) சமரகோன் முதியான்சலாகே சோமலதா(56) மற்றும் ஹசீனா உம்மா அப்துல் ஹமீத் (52) அகியோர்களாகும். இதில் ஹசீனா என்பவரது ஜனாசா சவூதியில் நல்லடக்கம் செய்யப்பட்டதாகவும் மற்றைய  இரு சடலங்களும் இலங்கைக்கு எடுத்துவர நடவடிக்கை எடுக்கப்படுவதாகவும் தெரிய வருகிறது.

வாகனத்தை செலுத்தியவர் வங்கால தேசத்தை சேர்ந்த ஒரு சாரதி என்றும் அவர் கடுங்காயங்களுக்குள்ளாகி இருப்பதாகவும் தெரிய வருகிறது.