ராஜபக்ஸ விமான நிலையத்தை அமைக்க பெற்ற கடனை 26 வருடங்கள் செலுத்துவேண்டும்

(மொஹொமட் ஆஸிக்)

மத்தளை ராஜபக்ஸ விமான நிலையத்தை நிர்மானிப்பதற்காக பெற்ற கடனை 26 வருடங்கள செலுத்த வெண்டும் என கண்டி மாவட்ட ஐக்கிய தேசிய கட்சி பாராளுமன்ற உறுப்பினர்  அல்ஹாஜ் எம்.எச்.ஏ. ஹலீம் தெரிவித்தார்.

 கட்டுகஸ்தோட்டை யில் இடம் பெற்ற வைபவம் ஒன்றில் உரையாற்றும் போதே அவர் இதனை தெரிவித்தார்

மறைந்த முன்னால் அமைச்சர் அல்ஹாஜ்  ஏ.ஸீ.எஸ். ஹமீத் அவர்கள் ஆரம்பித்த ஹாரிஸ்பத்துவ பவுன்டேஷன் மூலம் வரிய குடும்பங்களை சேர்ந்த 800 மாணவர்களுக்கு கற்றல் உபகரணங்கள வழங்கும் நிகழ்வில் ஒரு அங்கமாக இவ் வைபவம் இடம் பெற்றது.

இங்கு மேலும் உரையாற்றிய பாராளுமன்ற உறுப்பினர் எம்.எச்.ஏ. ஹலீம் இவ்வாரும் தெரிவத்தார்.

இன்று கல்வியைப் பற்றி அரசு சிந்திப்பது இல்லை. நடக்கின்ற அனைத்து பரீட்சையிகளிலும் குழப்பம் எற்படுத்துகின்றனர். வரிய மாணவர்களுக்கு கல்வியை தொடர முடியாதுள்ளது. நாட்டின கடன்  நாளுக்கு நாள் அதிகரித்துக் கொண்டு செல்கின்றது. மத்தளையில் அமைக்கப்பட்டுள்ள சர்வதேச விமான நிலையத்திற்காக பெற்ற கடனை 26 வருடங்கள் வரை செலுத்த வேண்டும். இதற்காக இன் நாட்டு வரிய மக்கள் செலுத்தும் வரியே பயன்படுத்தப்படவுள்ளது. பாதைகளை செப்பனிடுவது மூலம ஒரு பகுதியினர் நன்மை அடைந்து வருகின்றனர். என்றும் அவர் இங்கு தெரிவித்தார்.

மத்திய மாகாண சபை உறுப்பினர் எம்.எஸ்.எம். சாபி உற்பட பலரும் இதில் கலந்து கொண்டனர்.