நடுக்கடலில் உயிருக்குப் போராடிய நிலையில் 21 இலங்கையர்கள் மீட்பு

அவுஸ்திரேலியாவிற்கு செல்ல முயன்ற இலங்கை அகதிகள் 21 பேர், கிழக்கு ஜாவா பகுதியில் உயிருக்குப் போராடிய நிலையில் இந்தோனேசிய அதிகாரிகளால் மீட்கப்பட்டுள்ளனர். கிழக்கு ஜாவா பகுதியில் சென்டாங்பிரு மலாங் கடற்பகுதியில் உணவு, நீர் இன்றி தத்தளித்துக் கொண்டிருந்த நிலையிலே இவர்கள் மீட்கப்பட்டுள்ளனர்.

இவர்கள் பயணம் செய்த படகு என்ஜின் கோளாறு காரணமாக நடுக்கடலில் தத்தளித்துள்ளது. இதனை அவதானித்த இந்தோனேசிய மீனவர் ஒருவர், அனைவரையும் மீட்டதாக தெரிவிக்கப்படுகிறது.

குறித்த படகு மீட்கப்பட்ட பின்னர் சென்டாங்பிரு கிராமத்தில் உள்ளூர் வாசிகள் இலங்கை அகதிகளுக்கு உணவு கொடுத்துள்ளனர். குறித்த இலங்கையர்கள் ஒருவாரம் கடலில் உணவு இன்றி இருந்ததால் உடல் நலக்குறைவுடன் இருப்பதாக அவர் குறிப்பிட்டுள்ளார்.