இந்தோனேஷிய கடலில் தத்தளிக்கும் 120 இலங்கையர்கள்

இந்தியாவிலிருந்து கப்பலில் அவுஸ்திரேலியா செல்வதற்காகச் சென்ற இலங்கைத் தமிழ் அகதிகள் 120 பேர் இந்தோனேஷிய கடலில் தத்தளித்துக் கொண்டிருப்பதாகத் தெரிவிக்கப்படுகிறது. 30 குழந்தைகள், சிறுவர்கள் மற்றும் 90 பெரியவர்கள் ஒரு கப்பலில் அவுஸ்திரேலியா செல்வதற்காகப் புறப்பட்டுச் சென்ற நிலையில் தற்போது இந்தோனேஷிய கடல் பகுதியில் தத்தளித்துக் கொண்டிருப்பதாக செய்தி ஒன்று தெரிவிக்கிறது.

 உணவு மற்றும் குடிநீர் வசதியில்லாமல் குழந்தைகள் முதல் பெரியவர்கள் வரை ஒரு வாரத்திற்கும் மேலாக கஷ்டப்பட்டுக் கொண்டிருப்பதாகவும்  இவர்களுக்கு உடனடி உதவி தேவைப்படுவதாகவும் கூறப்படுகிறது.

 இயந்திரக் கோளாறு காரணமாக இவர்கள்  சென்ற கப்பல் பழுதாகி  நடுக்கடலில் தத்தளித்துக் கொண்டிருப்பதால் இவர்களைக் காப்பாற்ற உரிய நடவடிக்கை எடுக்க உதவி புரியுமாறு கோரிக்கை விடுக்கப்பட்டுள்ளது.