மற்றுமொரு விமானத்தை பிடித்துள்ளதாக ஈரான் அறிவிப்பு

வெளிநாட்டைச் சேர்ந்த ஆளில்லாத குண்டு வீச்சு விமானத்தை பிடித்து தரையிறக்கி விட்டதாக ஈரான் அறிவித்துள்ளது. ஈரான் ராணுவ செய்தித் தொடர்பாளர் ஜெனரல் ஹமித் ஷர்கலி கூறுகையில், ''ஈரானின் ராணுவ மின்னணு தொழில்நுட்ப பிரிவினர், தங்கள் வான் எல்லைக்குள் ஒரு ஆளில்லாத விமானம் ஊடுருவ முயற்சி செய்வதை கண்டுபிடித்தனர். அந்த விமானத்தின் இயக்கத்தை மின்னணு வல்லுநர்கள் கட்டுப்படுத்தி சிர்ஜான் நகரில் உள்ள ராணுவ மையத்துக்கு கொண்டு வந்துள்ளனர்'' என்றார். பிடிபட்டது அமெரிக்க விமானமா? என்ற கேள்விக்கு அவர் பதில் அளிக்கவில்லை.