ஜப்னா முஸ்லிம் இணைய செய்திக்கு பலன் - உதவியோர்க்கு பள்ளிவாசல் நன்றி தெரிவிப்பு

(முஹ்ஸி)

'யாழ் முஸ்லிம் இணையத்தளத்தில்' ஒரு சில மாதங்களுக்கு முன்னர் புத்தளம் நகரில் 4 ஆம் வட்டாரத்தில் உள்ள மஸ்ஜிதுல் பலாஹ் ஜூம்ஆ பள்ளியின் ஒரு பகுதி சுற்று மதில் நிர்மாணப் பணிக்கு உதவும் படி கோரிக்கை விடுக்கப்பட்டிருந்தது. 'அல்ஹம்துலில்லாஹ்'. அதற்கு கிடைத்த வரவேற்பைத் தொடர்ந்து அந்நிர்மாணப் பணி வெற்றிகரமாக நிறைவு செய்யப்பட்டுள்ளது. இந்த 'ஸதகத்துல் ஜாரிஆ' எனும் நிலையான தர்மத்துக்கு சவுதி அரேபியா, கட்டார், ஐக்கிய இராச்சியம், பிரான்ஸ் ஆகிய இடங்களிலிருந்து இலங்கையைச் சேர்ந்த எமது சகோதரர்கள் பெருமனதுடன் முன்வந்து பங்களிப்பு செய்தனர். அவர்களின் உதவிகளை அல்லாஹ் ஏற்றுக் கொள்வானாக. அவர்களுக்கு மஸ்ஜிதுல் பலாஹ் ஜூம்ஆ பள்ளி நிர்வாக சபை மனமார்ந்த நன்றிகளை தெரிவிப்பதோடு, அவர்களுக்காக அல்லாஹ்விடம் பிரார்த்திக்கின்றார்கள். 

பள்ளி நிர்வாக சபை இது தொடர்பில் வழங்கியுள்ள நன்றிக் கடிதம் இத்துடன் பிரசுரமாகிறது. அதேவேளை இதற்காக 'யாழ் முஸ்லிம் இணையத்தளம்' ஆற்றிய மகத்தான பங்களிப்பை நிர்வாக சபையினர் நன்றியுடன் நினைவு கூறுவதோடு, தொடர்ந்தும் முஸ்லிம் உம்மத்தின் சகலவித விவகாரங்களிலும் 'யாழ் முஸ்லிம் இணையத்தளம்' கரிசனையோடு செயற்பட அல்லாஹ் அருள்புரிய வேண்டும் எனவும் பிரார்த்திக்கின்றார்கள்.