துருக்கியிலுள்ள அமெரிக்க தூதரகம் மீது தற்கொலை தாக்குதல் (வீடியோ)

துருக்கியில் உள்ள அமெரிக்க தூதரகத்தில் நேற்று, தற்கொலை படையினர் வெடிகுண்டு தாக்குதல் நடத்தியதில், இருவர் பலியாயினர். துருக்கி தலைநகர் அங்காராவில், அமெரிக்க தூதரகம் உள்ளது. தற்கொலை படையை சேர்ந்த இருவர், தூதரகத்தின் நுழைவாயிலில் புகுந்து, குண்டுகளை வெடிக்க செய்தனர். இதில் தற்கொலை படையை சேர்ந்த ஒருவன் பலியானான். தூதரக பாதுகாவலர் ஒருவர் பலியானார். மற்றொருவர் காயமடைந்துள்ளார்.இந்த தாக்குதலில் நுழைவாயில் பகுதி சேதமடைந்துள்ளது. மற்றபடி, தூதரக கட்டடத்துக்கு எந்த பாதிப்பும் இல்லை. இச்சம்பவத்தையடுத்து, அந்த பகுதியில் பலத்த பாதுகாப்பு ஏற்பாடுகள் செய்யப்பட்டுள்ளன.