இலங்கையிலிருந்து ஜெனீவா செல்லும் அரசாங்க குழுவில் முஸ்லிம் அமைச்சர்கள் இல்லை

எதிர்வரும்வரும் திங்களன்று சுவிஸ் ஜெனீவா நகரில் ஆரம்பமாகவுள்ள ஐ.நா மனிதஉரிமைகள் பேரவையின் 22வது கூட்டத்தொடருக்கு அமைச்சர் மகிந்த சமரசிங்கவே தலைமை தாங்கவுள்ளதாக அறிவிக்கப்பட்டுள்ளது. 

மகிந்த சமரசிங்க மட்டுமே ஜெனிவா கூட்டத்தில் இலங்கை குழுவில் இடம்பெறவுள்ள ஒரே அமைச்சராவார். ஏனையோர் அதிகாரிகள் நிலையில் உள்ளவர்களாவர்.  கடந்தமுறை முஸ்லிம் நாடுகளின் ஆதரவைப் பெறுவதற்காக அகில இலங்கை ஜம்மியத்துல் உலமா சபையும், முஸ்லிம் அமைச்சர்கள் மற்றும் பிரதியமைச்சர்களும் ஜெனீவா சென்றிருந்தனர். 

மகிந்த ராஜபக்சவே, தம்மை ஜெனிவா செல்லும் குழுவுக்குத் தலைமை தாங்குமாறு கேட்டுக் கொண்டதாகவும் அதற்கு தான் இணங்கியுள்ளதாகவும் மகிந்த சமரசிங்க தெரிவித்துள்ளார். 

ஜெனிவா கூட்டத்தை எதிர்கொள்வது குறித்து நேற்று மகிந்த ராஜபக்ச தலைமையில் கூட்டமொன்று இடம்பெற்றது.  இந்தக் கூட்டத்தை அடுத்தே, மகிந்த சமரசிங்கவை ஜெனிவாவுக்கு அனுப்பும் முடிவு எடுக்கப்பட்டுள்ளது.