மாளிகைக்காடு வர்த்தகர் சங்கத்தால் காரியப்பர் வித்தியாலயத்துக்கு கற்றல் உபகரணங்கள்

(அபுதீனா) 

சாய்ந்தமருது, மாளிகைக்காடு வர்த்தகர் சங்கத்தால் எம்.எஸ்.காரியப்பர் வித்தியாலையத்துக்கு கற்றல் உபகரணங்கள் வழங்கிவைக்கப்பட்டது.

சாய்ந்தமருது சிங்கர் ஷோ ரூம் மற்றும் சங்கத்தலைவர் எஸ்.எச்.நஸீர் ஆகியோரின் பங்களிப்பில் ரூபாய் 1லட்சத்து 30 ஆயிரத்துக்கு மேல் பெறுமதிக்க மாணவர்களுக்கான புத்தகப் பைகள், சப்பாத்துகள், மற்றும் பாடசாலைக்கான நீர் சுத்திகரிப்பாக்கிகள், மின்விசிறிகள் என்பன கையளிக்கப்பட்டன.

அதிபர் ஏ.எல்.ஏ.நாபித் தலைமையில் நடைபெற்ற இந்நிகழ்வில் பிரதம அதிதியாக சாய்ந்தமருது பிரதேச செயலாளார் ஏ.எல்.எம்.சலீம், கௌரவ அதிதியாக சட்டத்தரணி அஷ்ஷெய்க் என்.எம்.அப்துல் முஜீப், விஷேட அதிதிகளாக சாய்ந்தமருது - மாளிகைக்காடு வர்த்தக சங்கத் தலைவர் எஸ்.எச்.நஸீர், செயலாளர்எம்.எஸ்.எம்.றிஸ்தி, சாய்ந்தமருது சிங்கர் ஷோ ரூம் உரிமையாளர் எஸ்.எச்.ஜிப்ரி, மற்றும் பெற்றோர்களும் கலந்து கொண்டனர்.