பைத்துல்மால் நிதிய ஏற்பாட்டில் மாணவர்களை பாராட்டி கௌரவிக்கும் நிகழ்வு

(இக்பால் அலி)

மத்திய இலங்கை பைத்துல்மால் நிதியத்தின் ஏற்பாட்டில் கட்டுகஸ்தோட்டைப் பிரதேசத்திலுள்ள 10 முஸ்லிம் பாடசாலைகளில் 5 ஆம் ஆண்டுப் புலமைப் பரிசில் பரீட்சையில் சித்தியடைந்த 48 மாணவர்களைப் பாராட்டி கௌரவிக்கும் நிகழ்வு கட்டுகஸ்தோட்டை அல் ஹம்ரா வித்தியாலய மண்டபத்தில்  இன்று சனிக்கிழமை நடைபெற்றது.

இவ்வமைப்பின் தலைவர் வைத்தியதிகாரி கே. எம். ஏ. சாஹீர் தலைமையில் நடைபெற்ற இந்நிகழ்வில் பிரதம அதிதியாகக் கலந்து கொண்ட மத்திய மாகாண சபை உறுப்பினர் ரிஸ்வி பாரூக் உள்ளிட்ட மாகாண சபை உறுப்பினர் அம்ஜாட், மத்திய மாகாண கல்வித் திணைக்களத்தின் முஸ்லிம் கல்விப் பிரிவின் பணிப்பாளர் என் எம். நசார், அக்குரணை ஜம்மியதுல் உலமா சபைத் தலைவர் அஷஷய்க் சியாம் உள்ளிட்ட பல பிரமுகர்களுடன் பெற்றோர்களும் கலந்து கொண்டனர்.