எவர்மீதும் ஹலால் உணவை நாம் திணிக்கவில்லை - றிஸ்வி முப்தி

(ஜே.எம்.ஹபீஸ்)

எவர்மீதும் ஹலால் உணவை நாம் திணிக்கவில்லை. நாம் கட்டாயப் படுத்துவததாகக் கூறுவதில் உண்மை இல்லை என அகில இலங்கை ஜம்மியத்துல் உலமா சபையின் தலைவர் றிஸ்வி முப்தி தெரிவித்தார்.

கண்டி மீராமக்காம் பள்ளிவாசலில் நடைபெற்ற நிகழ்வொன்றில் கலந்தகொண்டு உரையாற்றும் போதே அவர் இவ்வாறு குறிப்பிட்டுள்ளார். அவர் அங்க மேலும் தெரிவித்திருப்பதாவது,

இஸ்லாத்தில் நிர்பந்தம் கிடையாது. யாரையும் எவரையும் இஸ்லாம் கட்டாயப்படுத்துவ கிடையாது. ஹலாலை உண்பது ஹலால் முறைப்படி வாழ்வது இறைவன் இட்ட கட்டளை. அதனை மீறுவதற்கு விரும்பினால் மிறிக் கொள்பவர்களுக்கு இறை தண்டனை உண்டே ஒழிய அதுபற்றி நிர்பந்தம் இல்லை. எனவே எவர்மீதும் ஹலால் உணவை நாம் திணிக்கவில்லை. நாம் கட்டாயப் படுத்துவததாகக் கூறுவதில் உண்மை இல்லை.

சுதந்திரத்தின் பின் 1948 முதல் இந்நாட்டில் ஏற்பட்ட அனைத்து நிலைமைகளிலும் முஸ்லீமகளான நாம் பங்கு கொண்டுள்ளோம். கடந்த வருடம் ஏற்பட்ட சர்வதேச அழுத்தங்களின் போது நாம் ஜெனீவா சென்றோம் இலங்கைக்காக குரல் கொடுத்தோம் என்றார்.