முஸ்லிம் எய்ட் நிறுவன ஏற்பாட்டில் வெள்ளத்தில் பாதிக்கப்பட்டவர்களுக்கு உதவிகள்

(றிஸ்கான்)

அம்பாறை மாவட்டத்தின் ஆலையடிவேம்பு பிரதேச செயலகப் பிரிவுக்குட்பட்ட அக்கரைப்பற்று-08ம் பிரிவில் கடந்த சில தினங்களுக்கு முன்பு ஏற்பட்ட வெள்ளப் பெருக்கினால் பாதிக்கப்பட்ட குடும்பங்களுக்கு முஸ்லிம் எய்ட்(muslimaid) நிறுவனத்தின் அனுசரணையில் உலர் உணவுப் பொதிகளும் இளைஞர்களுக்கான உடைகளும் வழங்கி வைக்கும் நிகழ்வு நடைபெற்றது.

ஆலையடிவேம்பு மக்கள் அபிவிருத்தி ஒன்றியத்தின் மாவட்ட இணைப்பாளர் எஸ்.பி.ராஜா தலைமையில் ஒன்றிய கட்டடத்தில் நடைபெற்ற இந்நிகழ்வில் முஸ்லிம் எய்ட் நிறுவனத்தின் மட்டக்களப்பு மாவட்ட இணைப்பாளர் அஸ்மி, பிரதேச செயலக அபிவிருத்தி உத்தியோகத்தர் கே.ரவிச்சந்திரன் உட்பட பலர் கலந்து கொண்டனர்.