ஜம்மியத்துல் உலமா சபையின் தீர்மானம் பேரினவாதிகளுக்கு சாட்டை அடி

Mihwar Mahroof

அஸ்ஸலாமு அலைக்கும்.

கடந்த சில மாதங்களாக நாட்டில் நிலவும் அசாதாரண நிலையை ஒவ்வொரு நொடியும் பேசிவந்த நமக்கு அகில இலங்கை ஜம்மியத்துல் உலமா ஏக மனதாக ஒரு தீர்வை முன்வைத்துள்ளது. அல்ஹம்துலில்லாஹ்! 

அகில இலங்கை ஜம்மியத்துல் உலமா எடுத்த இந்த முடிவு அந்த கடும்போக்கு வாதிகளுக்கு ஒரு சாட்டை அடியாகதான் இருக்கும். இந்த சந்தர்ப்பத்தை நமது சமூகம் ஒரு வியாபார வியூகத்தை பிரயோகிப்பதன் மூலம் முஸ்லிம்களுடைய வியாபாரத்தை அதிகரிப்பதிற்கும் அந்நிய மத தயாரிப்புகளில் வீழ்ச்சியை ஏற்படுத்தலாம்.

இங்கு ஒரு உற்பத்திப்பொருள் முதலில், ஹலாலா? இல்லையா என்பதை தீர்மானிப்பது அந்த தயாரிப்பு முஸ்லிமின் தயாரிப்பா? இல்லையா என்பதில் தான் உள்ளது. முஸ்லிமின் தயாரிப்பாக இருந்தால் அவர் அதை ஹலால் நிபந்தனைகளுக்கு உற்பட்டடாகவே தயாரித்து சந்தைப்படுத்தியிருப்பார். அநேகமாக அதில் சந்தேகமில்லை.

இனி இந்த சந்தர்ப்பத்தை நமக்கு சாதகமாக பயன் படுத்திக்கொள்வது நமது கையிலேயே உள்ளது.

1) நமது சந்தையில் உள்ள உற்பத்தி பொருட்களில் முஸ்லிம்களுடைய தயாரிப்பை பயன்படுத்தும்படி அறிவுறுத்துவதன் மூலம் ஹலால் ஹராம் என்ற கேள்விக்கு இடமில்லை. குறிப்பிட்ட தயாரிப்பில் முஸ்லிமுடைய தயாரிப்பு இல்லாத பொது ஹலால் சான்றிதழ் வழங்கப்பட்ட தயாரிப்பை உபயோகிக்கலாம்.

2) சந்தையில் நமது தயாரிப்புகள் மிகக்குறைவாகவே இருக்கின்றன. இந்த நிலை மாறவேண்டும். நாம் மாற்றீடாக பயன்படுத்த ஹலால் அனுமதியளிக்கப்பட்ட பொருற்களை ( இஸ்லாம் அனுமதித்த உற்பத்தி பொருள்) தயாரிப்பதற்கு எமது சகோதரர்களிற்கு உரிய கல்வி, பயிற்சி, உதவி, ஆலோசனைகளை வழங்கி ஊக்குவிப்பதன் மூலம் நமக்கென்று ஒரு சந்தையை உள்ளூரிலும் உலகளவிலும் உருவாக்கிக் கொள்ளலாம். இது நமது சமூகத்தின் வளர்ச்சிக்கு உருதுணையாகவும் கடும் போக்கு வாதிகளின் அவசர புத்திக்கும், அடக்கு முறைக்கும் ஒரு சவாலாக அமைவதுடன் அல்லாஹ் மீது நாம் கொண்டுள்ள நம்பிக்கையையும், ஒற்றுமையையும், பலத்தையும் முன் வைப்போம்.

 இனியும் அவர்களின் முயற்சிகளை முடக்குவதற்கு நம் ஒவ்வொருவருடைய பங்களிப்பையும் ஏதோ ஒருவகையில் செய்வதன் மூலம் சமூகத்தின் வளர்ச்சிக்கு கை கோர்ப்போம்.

அகில இலங்கை ஜம்மியத்துல் உலமா கூறியது போல், நம்முடைய நிலைப்பாட்டை மற்றவர்களுக்கு எத்தி வைப்பதற்கும், செயற்பாடுகளுக்கும் பெரும் தொகையான மூலதனம் தேவைப்படுகிறது. அதே போல் நமக்கென்று ஒரு ஊடகம் நவீன வசதிகள் இல்லாதது ஒரு பெரும் வெற்றிடமே. இதற்கு ஒரு சரியான தீர்வு சீக்கிரம் பெறப்பட வேண்டும். ஊடகத்துறையில் தேர்ச்சி பெற்ற அனுபவம் வாய்ந்த சகோதரர்களை ஒன்றிணைத்து ஒரு ஊடகம் ஆரம்பிப்பதற்கும் அவற்றுக்கான செலவுகளை நம்மிடையே சேர்ப்பதற்கு ஒரு சிறந்த முறையை அகில இலங்கை ஜம்மியத்துல் உலமா முன்மொழிந்து நம்மை வழி நடத்த வேண்டும்.

நமது ஒற்றுமை நமது சமூகத்தின் வளர்ச்சிக்கும் எதிர்கால சந்ததிகளுக்கும் நிம்மதியான வாழ்க்கைக்கு வழிவகுக்கும். பல Bala senaகள் வந்தாலும் நமது ஒற்றுமையையும் அல்லாஹ்வின் உதவியையும் சேர்த்து எதிர் கொள்ள தயார் ஆகுவோம்.