சிறைச்சாலைக்குள் போதைப்பொருளை கடத்தமுயன்ற அதிகாரி வசமாக மாட்டினார்

(TL) கொழும்பு, வெலிக்கடை விளக்கமறியல் சிறைச்சாலை அதிகாரி ஒருவர் 20 இலட்சம் ரூபா பெறுமதியான போதைப் பொருட்களை சிறைச்சாலைக்குள் கொண்டு செல்ல முற்பட்ட போது சிறைச்சாலை புலனாய்வுப் பிரிவினரால் கைது செய்யப்பட்டுள்ளார்.

சந்தேக நபர் புதன்கிழமையன்று இரவு 8.30 மணியளவில் போதைப் பொருட்களை எடுத்துக்கொண்டு சிறைச்சாலைக்குள் செல்லப் போவதாக புலனாய்வுத் துறைக்குக் கிடைத்த இரகசிய தகவலையடுத்து சந்தேக நபரை சோதனை இட்டபோது ஒரு தொகை போதைப் பொருள் உள் ஆடைக்குள்ளும் ஒரு தொகை கஞ்சா அவரின் சப்பாத்துக்குள்ளும் இருந்து கைப்பற்றப்பட்டுள்ளது.

சந்தேக நபரை மேலதிக விசாரணைக்காக போதைப் பொருள் தடுப்புப் பிரிவினரிடம் கையளித்துள்ளதாக சிறைச்சாலை உயர் அதிகாரி ஒருவர் தெரிவித்தார்.