ஆர்ப்பாட்டம் நடாத்திய பௌத்த பிக்குகள் ஈரான் தூதுவருடன் தேநீர் அருந்தினர்

கொழும்பிலுள்ள ஈரான் தூதரகத்திற்கு முன் சிங்கள ராவய என்று அழைக்கப்படும் பௌத்தசிங்கள கடும்போக்கு அமைப்பு இன்று புதன்கிழமை ஆர்ப்பாட்டமொன்று நடைபெற்றது.

ஈரானில் புத்தர் சிலைகளுக்கு தடை விதிக்கப்பட்டுள்ளது என தெரிவித்து ஆர்ப்பாட்டத்தில் ஈடுபட்ட இந்த அமைப்பினருடன் தூதரகத்தில் இருந்த இலங்கைக்கான ஈரான் தூதுவர் பேச்சுவார்த்தை நடாத்த இணக்கம் தெரிவித்துள்ளார். இதையடுத்து சிங்கள ராவய அமைப்பைச் சேர்ந்த 4 பௌத்த பிக்குகள் தூதரகத்திற்குள் சென்றுள்ளனர்.

அங்கு சுமார் 45 நிமிடங்கள் தூதுவருடன் அமைதியான முறையில் உரையாடியுள்ளதுடன், தூதுவர் வழங்கிய தேநீரையும் பருகிவிட்டு வந்துள்ளனர்.