ஐ.தே.க. தலைமைத்துவ வெற்றிடத்தை நிரப்பக்கூடிய வேறு யாரும் இல்லை - ரணில்

ஐக்கிய தேசிய கட்சியின் தலைமைத்துவ வெற்றிடத்தை நிரப்பக் கூடிய வேறு யாரும் இல்லை என்று எதிர்கட்சித் தலைவர் ரணில் விக்கிரமசிங்க தெரிவித்துள்ளார்.

மாத்தறை - திக்வெல்ல பிரதேசத்தில் இடம்பெற்ற நிகழ்வொன்றில் கலந்து கொண்டு உரையாற்றிய போதே அவர் இந்த கருத்தை வெளியிட்டிருந்தார்.

2014 ம் ஆண்டில் இந்த அரசாங்கத்தின் ஆயுட்காலத்தை நிறைவு செய்ய வேண்டும் என்று அவர் தெரிவித்தார். ஐக்கிய தேசிய கட்சி பற்றியல்ல, நாட்டை பற்றி சிந்திக்க வேண்டும். சுயநலமின்றி நாட்டை பற்றி கவனம் செலுத்த வேண்டும்.

தனியாக சென்று ஒழுங்கு பத்திரத்திற்கு அமைய செயற்பட முடியாது. தலைவருக்கான வெற்றிடத்தை நிரப்பக் கூடிய ஒருவர் குறித்த யோசனை தமது கட்சி யாப்பில் இல்லை என்றும் எதிர்கட்சித் தலைவர் ரணில் விக்கிரமசிங்க குறிப்பிட்டுள்ளார்.