இலங்கையில் நிரந்தர குடும்ப கட்டுப்பாட்டுக்கு தடை...?

நிரந்தரமான குடும்பக்கட்டுபாட்டு முறைமைகளுக்கு இலங்கையில் தடை விதிக்கப்பட்டுள்ளது.இது தொடர்பில் அரசாங்கம் தனியார் மற்றும் அரசாங்க வைத்தியசாலைகள், மருத்துவ நிறுவனங்களுக்கு அறிவுறுத்தல் விடுத்துள்ளது.

ஏதேனும் கட்டாய  மருத்துவ தேவைகளுக்காக மட்டுமே எதிர்காலத்தில் நிரந்தர குடும்பக் கட்டுப்பாடுகளை மேற்கொள்ள முடியும் என சுட்டிக்காட்டப்பட்டுள்ளது. எந்தவிதமான எச்சரிக்கையையும் விடுக்காமல் அரசாங்கம் இவ்வாறு உத்தரவு பிறப்பித்துள்ளதாக மருத்துவ நிறுவனங்கள் குற்றம் சுமத்தியுள்ளன.

என்ன காரணத்திற்காக இவ்வாற நிரந்தரக் குடும்பக்கட்டுப்பாடு முறமைகளுக்கு தடை விதிக்கப்பட்டுள்ளது என்பது தெளிவுபடுத்தப்படவில்லை.

அரசாங்கத்தின் கொள்கைகளின் அடிப்படையில் இவ்வாறு உத்தரவு பிறப்பிக்கப்பட்டுள்ளதாக சுகாதார அமைச்சின் செயலாளர் நிஹால் ஜயதிலக்க தெரிவித்துள்ளார்.

இதேவேளை, சில தன்னார்வ தொண்டு நிறுவனங்கள் சிங்கள பௌத்த பெண்களுக்கு அவர்களது விருப்பத்தை அறிந்து கொள்ளாமல் குடும்பக்காட்டுப்பாட்டு சிகிச்சை வழங்கி வருவதாக பௌத்த அமைப்புக்கள் குற்றம் சுமத்தியுள்ளன.

அண்மையில் ஜனாதிபதி மஹிந்த ராஜபக்ஸலை பொதுபல சேனா சந்தித்தபோது குடும்பக் கடட்டுப்பாடு செய்து கொள்வதற்காக நிர்ணயிக்கப்பட்ட வயதை அதிகரிக்க வேண்டுமென வேண்டுகோள் விடுத்திருந்தமை குறிப்பிடத்தக்கது.