தம்புள்ள, அட்டன் பகுதிகளில் மர்ம பொருட்கள்..!

(Tm + vi) தம்புள்ள புவக்அத்தாவல சமனலாயாய பகுதியிலுள்ள வீட்டின் மீது இன்று செவ்வாய்க்கிழமை அதிகாலை  வானிலிருந்து மர்மப் பொருட்கள் விழுந்துள்ளன.

அந்த மர்மப் பொருள் கறுப்பு மற்றும் வெள்ளை நிறத்தில் இருப்பதாக வீட்டின் உரிமையாளர் தெரிவித்துள்ளார். இதற்கு முன்னர் அப்பகுதியுள்ள அரலகங்வில பகுதியில் வானிலிருந்து மர்மப்பொருட்கள் விழுந்தமை குறிப்பிடத்தக்கதாகும்.

.............................................

அட்டன் காமினிபுர பகுதியில் அமைந்துள்ள வீடு ஒன்றின் முற்றத்தில் கடந்த சனிக்கிழமை பிற்பகல் பெய்த மழையுடன் இனம் தெரியாத மர்ம பொருள் ஒன்று வானத்தில் இருந்து வீழ்ந்ததாக தெரிவிக்கப்படுகின்றது. இது மிக சிறியதாக தங்க நிறத்தில் காணப்பட்டுள்ளது. சுமார் 20 துண்டுகள் வரை வீழ்ந்தாக இந்த வீட்டு உரிமையாளர் பெண் தெரிவித்தார்.

முதலில் தனது தங்க தோடு உடைந்து வீழ்ந்ததாக நினைத்த இவருக்கு அடுத்த கனமே வீட்டின் முற்றம் முழுவதும் துண்டுகள் விழுந்ததை கண்டு அவற்றை சேகரித்துள்ளார்.

பின்னர் அயளவர்களிடம் தாம் இது பற்றி தெரிவித்ததாகவும் இவர் கூறினார். இப்பகுதியில் உள்ள சிலர் இந்த துண்டுகளை எடுத்து சென்றதாகவும் தெரிவித்தார்.