A/L பரீட்சை - முதலிடங்களை பெற்ற வடமாகாண மாணவர்களுக்கு பாராட்டு (படங்கள்)

2012 ம் வருடம் க.பொ.த உயர்தரப் பரீட்சையில் வடக்கு மாகாணத்தில் முதலிடங்களைப் பெற்ற மாணவ, மாணவிகளை ஊக்குவிக்கும் வகையில் இன்று சனிக்கிழமை விசேட நிகழ்வொன்று இடம்பெற்றது.

    

இந்நிகழ்வில் 24 மாணவர்களுக்கு தலா 10,000 ரூபா வீதம் நிதிப் பரிசில்களையும், துவிச்சக்கர வண்டிகளையும் அமைச்சர் டக்ளஸ் தேவனந்தா அவர்களும், ஆளுநர் அவர்களும் வழங்கி வைத்தனர். வடக்கு மாகாண சபையின் கல்விஅமைச்சு இதற்கான ஏற்பாட்டினை மேற்கொண்டிருந்தது. 

ஆளுநர் ஜீ.சந்திரசிறி அவர்கள் மாணவர்களுக்கு வாழ்த்துக்களைத் தெரிவித்ததுடன் பாடசாலை அதிபர்களுக்கும், ஆசிரியர்களுக்கும், பெற்றோருக்கும் தனது நன்றியைத் தெரிவித்து தனது மகிழ்ச்சியை வெளிப்படுத்தினார்.