பெத்த பிக்கு குத்திக்கொலை - 2 சந்தேக நபர்கள் சுட்டுக்கொலை

(Tm) 

காணி தகராறு காரணமாக பௌத்த பிக்கு ஒருவர் குத்திக்கொலைச்செய்யப்பட்ட சம்பவம் ஒன்று மொறட்டுவை பகுதியில் இடம்பெற்றுள்ளது. மொறட்டுவ எகடஉயன பகுதியிலுள்ள விஹாரையின் பிக்கு ஒருவரே இவ்வாறு நேற்று ஞாயிற்றுக்கிழமை இரவு குத்தி கொலைச்செய்யப்பட்டுள்ளதாக பொலிஸார் தெரிவித்தனர்.

சம்பவம் இடம்பெற்றதன் பின்னர் பிரதேசவாசிகள் குறித்த சந்தேக நபரின் வீட்டை அடித்து நொறுக்கியுள்ளதுடன்  தீ மூட்டி கொளுத்தியுள்ளனர். 

இந்நிலையில் சம்பவத்தையடுத்து தப்பியோடிய பிரதான சந்தேகநபர்கள் இருவரும் பொரல்லஸ்கமுவ பகுதியில் வைத்து இன்றுக்காலை சுட்டுக்கொல்லப்பட்டுள்ளனர் என்று தெரிவிக்கப்படுகின்றது.

இதேவேளை,மொறட்டுவை சுனந்தோபன்ராமான்யபதி மெடிகஹதென்னே விமலவங்ச தேரரை குத்தி கொலைச்செய்ததாக கூறப்படும் இருவரை சந்தேகத்தின் பேரில் கைது செய்துள்ளதாக பொலிஸார் தெரிவித்தனர்.

விஹாரைக்கு பின்னாலுள்ள வீடுகளைச்சேர்ந்த இருவரையே சந்தேகத்தின் பேரில் கைதுசெய்துள்ளதாக கொழும்பு குற்றப்புலனாய்வு பிரிவினர் அறிவித்துள்ளனர்.

சித்தப்பா மற்றும் மகன் முறையிலான உறவுகளை கொண்டவர்களே இவ்வாறு சந்தேகத்தின் பேரில் கைது செய்யப்பட்டுள்ளதாக தெரிவிக்கப்படுகின்றது.

இதேவேளை, சுட்டுக்கொலைச்செய்யப்பட்ட இருவரும் இந்த சம்பவத்துடன் தொடர்புடையவர்களா? என்பது தொடர்பிலான விசாரணைகளை துரிதப்படுத்தியுள்ளதாக பொலிஸார் தெரிவித்தனர்.