குடியிருப்பு பகுதியில் வீழ்ந்த யுத்த விமானம் - எமனில் 12 பேர் மரணம்

ஏமன் தலைநகர் சனாவில் உள்ள குடியிருப்பு பகுதியின் மீது நேற்று ராணுவ போர் விமானம் மோதியதில் 12 பேர் பலியாகினர். மேலும் பலர் படுகாயமடைந்தனர். மத்திய சனா பகுதியின் மீது பறந்த போது நிலை தடுமாறிய அந்த போர் விமானம், 3 கட்டிடங்களின் மீது மோதியது. 

இதனால் அந்த கட்டிடங்கள் தீ பிடித்து எரிந்தன. மோதிய வேகத்தில் அந்த போர் விமானத்தில் இருந்த எவுகனை ஒன்று கட்டுப்பாட்டை மீறி சீறிப்பாய்ந்து வெடித்தது. இந்த விபத்தில் 2 குழந்தைகள் உள்பட 9 பேர் உடல் கருகி பரிதாபமாக உயிரிழந்தனர். போர் விமானத்தில் இருந்த 3 ராணுவ வீரர்களும் சம்பவ இடத்திலேயே பலியாகினர். 20க்கும் மேற்பட்ட பொதுமக்கள் படுகாயமடைந்தனர். 

தகவல் அறிந்து விரைந்து வந்த மீட்புப் படையினர் காயமடைந்தவர்களை ஆம்புலன்ஸ்களில் ஏற்றி ஆஸ்பத்திரிக்கு அனுப்பி வைத்தனர்.