அல் இக்ரஹ் வித்தியாலயத்தின் தரம் ஒன்று மாணவர்களின் கால்கோள் விழா
(எஸ்.எல். மன்சூர்)
அக்கரைப்பற்று வலயத்திலுள்ள அட்டாளைச்சேனைக் கோட்டத்திலுள்ள அல் இக்ரஹ் வித்தியாலயத்தில் இவ்வாண்டு தரம் ஒன்றுக்கு இணைக்கப்பட்டுள்ள மாணவர்களின் வித்தியாரம்ப நிகழ்வு அண்மையில் கோலாகலமாக பாடசாலையின் அதிபர் திருமதி எம்.ஏ. அஸ்ஹர் தலைமையில் இடம்பெற்றது. இந்நிகழ்வுகளுக்கு கிழக்கு மாகாண அமைச்சர் எம்.எஸ். உதுமாலெவ்வையின் இணைப்பாளரும், பாடசாலையின் அபிவிருத்திச் சங்க செயலாளருமான எம்.எஸ் ஜஃபர், ஆசிரிய ஆலோசகர்கள், பாடசாலையின் அபிவிருத்திச் சங்க உறுப்பினர்கள், பெற்றோர்கள் மற்றும் அதிபர் றியாஸ், வலயக் கல்வி திட்டமிடல் பணிப்பாளர் எம்ஏ. அஸ்ஹர் ஆகியோரும் கலந்து கொண்டு சிறப்பித்தனர். இம்முறை அட்டாளைச்சேனைக் கோட்டத்திலுள்ள பாடசாலைகளில் தரம் ஒன்றுக்கு அதிகளவான மாணவர்களை இணைத்துக் கொண்ட ஒரேஒரு பாடசாலை இப்பாடசாலையாகும். அண்மையக் காலங்களில் இப்பாடசாலையின் கல்வியின் வியாபகத்தன்மை காரணமாக அதிகளவு மாணவர்கள் தரம் 1க்கு சேர்த்துக் கொள்ளப்பட்டுவருவது குறிப்பிடத்தக்கதாகும்.
Post a Comment