கண்டி முஸ்லிம்களின் முன்மாதிரி (படங்கள் இணைப்பு)

(ஜே.எம்.ஹபீஸ்)

இனங்களுக்கிடையே புரிந்துணர்வை வளர்க்கும் முகமாக நபி முஹம்மத் (ஸல்) அவர்களது பிறந்த தினத்தன்று கண்டியில் 4000 ற்கும் மேற்பட்டவர்களுக்கு அன்னதானம் வழங்கப்பட்டது.

கண்டி நகர ஜம்மியத்துல் உலமா சபை , மத்திய மாகாண சபை அங்கத்தவர் செய்னுல் ஆப்தீன் லாபிர் ஹாஜியார், கண்டி நகர முஸ்லிம் வர்த்தகப் பிரமுகர்கள் மற்றும் முஸ்லிம் நலன் விரும்பிகள் பலர் ஒன்றிணைந்து கண்டி வைத்தியசாலையில் வதிவிட சிகிட்சை பெறும் சுமார் 3000 ற்கும் மேற்பட்டவர்களுக்கும் வைத்திய சாலை ஊழியர்கள் சுமார் 1000 பேருக்கும் வெள்ளிக் கிழமை மதிய உணவை வழங்கினர்.

சுமார் ஆறு இலட்ச ருபாய்க்கு மேற்பட்ட தொகை இப்புன்னிய காரியத்திற்காகச் செலவிடப்பட்டது.

இங்கு உரையாற்றிய மத்திய மாகாண சபை அங்கத்தவர் லாபிர் ஹாஜியார் தெரிவித்ததாவது,

ஒரு மனிதனுக்கு உணவளிப்பது மிக நல்ல ஒரு காரியம். அதிலும் நோய் வாய்ப்டுள்ளவர்களுக்கு ஒருவேளை உணவளிப்பபது அதனை விடவும் ஏற்றமுள்ள விடயமாகும். மேலும் முஸ்லீமகளை சந்தேகக் கண்கொண்டு பலரும் நோக்கும் இக்காலக்கட்டத்தில் இவ்வாறான புன்னிய காரியங்களை இன மத குல,சமய பேதங்களுக்கு அப்பால் இருந்து அவர்களும் மனிதர்கள்தான். நாமும் அவர்களது உடன் பிறப்புக்கள் என்று சகோதர வாஞ்சையை செயலிலல் காட்டிய கண்டி மாவட்டத்து முஸ்லிம் அமைப்புக்கள் இதற்கான அலோசனை வழங்கிய கட்டி சிட்டி உலமா சபை  மற்றும் இதற்காகன தங்கள் முயற்சியை நல்கிய சகலருக்கும் தமது நன்றியைத் தெரிவிப்பதாகக் மறினார்.

இங்கு நன்றி தெரிவித்து உரையாற்றி சுகாதாரப் பணிப்பாளர் தெரிவித்ததாவது,

எவர் எதைச் சொன்னாலும் கண்டி வைத்தி சாலையைப் பொருத்தவரை முஸ்லிம்களது பங்களிப்பு அன்றும் இன்றும் என்றும் மறக்க முடியாதவை. சமயத்துறையை வளர்க்க வேண்டிய உலமாக்கள் இவ்வாறான நற்காரியங்களுக்கு தூண்டுகோளாக இருப்பது வரவேற்கத்தக்கது. சமயம் என்பது வாழ்க்கை முறை. எனவே வாழ்கை முறையின் ஒரு அங்கமே வைத்திய சாலைகள். அதில் சிகிட்சை பெறுவோர் மனித சமுகம். எனவே மனித நேயத்தின் பேரால் வழங்கும் நற்காரியங்களுக்கு உரிய பலன் கிடைக்கும் என்பதில் நான் நம்பிக்கை வைத்துள்ளேன் என்றார்.

கண்டி மாநகர சபை அங்கத்தவர் நுஹ்மான் ஹாஜியார்,இஸ்லாமிய சமயப் பெரியார்கள் உற்பட இன்னும் பலர் அரசியல் பேதமின்றி இங்கு கலந்து கொண்டனர்.