கல்முனை மஹ்மூத் கல்லூரி தொடர்பில் இஸ்லாமிய ஆசிரியர் சங்கத்தின் அறிக்கை

சட்டச் சிக்கல்களை ஏற்படுத்தி தகைமைமிக்க ஒருவர் கல்முனை மஹ்மூத் மகளிர் கல்லூரிக்கு அதிபராக நியமிக்கப்படுவதற்கு பாடசாலைச் சமூகம் தடையாக இருப்பது அப்பாடசாலையின் கல்வி நிலையை வீழ்ச்சியடையச் செய்யும். இவ்வாறு  இலங்கை இஸ்லாமிய சங்கம் குறிப்பிட்டுள்ளது.

இலங்கை இஸ்லாமிய சங்கத்தின் தலைவர் முகம்மட் அனஸ் இவ்விடயம் பற்றித் தெரிவித்ததாவது,

கல்முனைப் பிரதேசத்தின் பிரபல பாடசாலையான கல்முனை மஹ்மூத் மகளிர் கல்லூரிக்கு அதிபர் ஒருவரை நியமிப்பிதல் பலகாலமாக இழுபறி நிலை தொடர்ந்து வந்து. அதிபர் நியமனப் பிரச்சினையானது நீதி மற்றம் வரை சென்று  நீதி மன்றின் தீர்ப்பையடுத்து, அதிபர் நியமத்துக்கான விண்ணபங்கள் கோரப்பட்டு, நேர்முகப் பரீட்சை நடாத்தப்பட்டு, ஈட்டில் அதிபர் ஒருவர் நியமிக்கப்பட்டார். 

அதிபராக நியமிக்கப்பட்டவர் கடமையைப் பொறுப்பேற்பதில் ஏற்பட்ட அசாதாரண நிலையையடுத்து சம்மாந்துறை முஸ்லிம் மத்திய கல்லூரியின் அதிபராக 10 வருடங்கள் கடமை புரிந்த எச்.எம். பாறூக் கிழக்கு மாகாணக் கல்வி அமைச்சின் செயலாளரினால் கல்முனை மஹ்மூத் மகளிர் கல்லூரியின் புதிய அதிபராக கடந்த வாரம்  நியமிக்கப்பட்டுள்ளார்.  

இந்நிலையில், கல்முனை மஹ்மூத் மகளிர் கல்லூரி அண்மைக்காலமாக கல்வியில் பின்தங்கிய நிலையில் செல்வதாக பெற்றோர்களும் நலன் விரும்பிகளும் குறிப்பிடுகின்றனர். பெற்றோர்களினதும் நலன்விரும்பிகளினதும் முறைப்பாடுகள், கோரிக்கைகளையடுத்து  இப்பாடசாலை மாணவர்களின் அடைவு மட்டங்களை அதிகரிப்பதற்கும் பாடசாலையின் கல்வித் தரத்தை மேம்படுத்துவதற்கும் தகைமையும் அனுபமும் உள்ள ஒருவர் இப்பாடசாலையின்  அதிபராக நியமிக்கப்பட வேண்டுமென ஆசிரிய தொழிற்சங்கங்கள் தொடர்ச்சியான அழுத்தங்களைக் கெடுத்து வந்தன. 

ஆசிரியர் தொழிற்சங்கங்களின் தொடர்ச்சியான அழுத்தங்களின் காரணமாக கல்முனை மஹ்மூத் மகளிர் கல்லூரியின் அதிபர் நியமனப் பிரச்சினை முடிவுக்குக் கொண்டுவரப்பட்டுள்ளது. அதற்காக இலங்கை ஆசிரியர் சங்கம் கிழக்கு மாகாண பொதுச்சேவை ஆணைக்குழு, மாகாணக் கல்வி அமைச்சு மற்றும் மாகாணக் கல்வித் திணைக்கம் என்பவற்கு நன்றி தெரிவிப்பதாகக் குறிப்பிட்;ட சங்கத் தலைவர் அனஸ், சட்டச் சிக்கல்களை ஏற்படுத்தி தகைமைமிக்க ஒருவர் கல்முனை மஹ்மூத் மகளிர் கல்லூரிக்கு அதிபராக நியமிக்கப்படுவதற்கு பாடசாலைச் சமூகம் தடையாக இருப்பதைத் தவிர்த்து, பாடசாலையின் முன்னேற்றம் கருதியும் மாணவர்களின் நலன் கருதியும் புதிய அதிபருக்கு ஒத்துழைப்பு வழங்கிச் செயற்படுமாறு பாடசாலைச் சமூகத்தை வேண்டிக்கொள்ளவாக அவர் மேலும் தெரிவித்தார்.