மூதூரில் நல்லாட்சிக்கான மக்கள் இயக்க ஏற்பாட்டில் இலவச அப்பியாசக் கொப்பி வழங்கும் நிகழ்வு

(மூதூர் முறாசில்)

நல்லாட்சிக்கான மக்கள் இயக்கத்தினால் ஏற்பாடு செய்யப்பட்ட இலவச அப்பியாசக் கொப்பி வழங்கும் நிகழ்வு ஞாயிற்றுக்கிழமை 06-01-2013 மூதூர் அந-நஹார் மகளிர் மகா வித்தியாலத்தில் இடம் பெற்றது.

நல்லாட்சிக்கான மக்கள் இயக்கத்தின் செயற்குழு உறுப்பினர் எம்.ஐ.எம். ஜெஸ்மி தலைமையில் இடம்பெற்ற இந்நிகழ்வில் சூறா சபை அமீர் எம்.பி.எம். பிர்தௌஸ் நளீமி,  சூறா சபை உறுப்பினர்  பொறியியலாளர் எம்.எம்.அப்துல் ரஹ்மான், செயற்குழு உறுப்பினர் டாக்டர் எம்.சி.எம்.சமீம், பொறியியலாளர் எம்.சி.எம். ஜெஸீம் உள்ளிட்ட பலர் கலந்து கொண்டனர்.

இதன்போது சகல இனத்தையும் சேர்ந்த 1250 வறிய மாணவர்களுக்கு இலவச அப்பியாசக் கொப்பிகள்  வழங்கப்பட்டன.